Read Jinghpaw Common Language Bible 2009 SHAKAWN KUNGDAWN 125 Bible Online

SHAKAWN KUNGDAWN 125 - Jinghpaw Common Language Bible 2009 bible

SHAKAWN KUNGDAWN 125

¹Dai MADU hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

²Bum ni gaw Yerusalem mare hpe grup rai gawan da nga ai hte maren, dai MADU mung, shi a amyu masha ni hpe ya kaw nna prat dingsa grup rai gawan da nga ai.

³Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

⁴MADU e, kaja ai masha ni hte na a hkang da ai ga ni hta madat mara hkan sa nga ai ni hpe, mai kaja ai lam jaw ya u.

⁵Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!