Read Jinghpaw Common Language Bible 2009 SHAKAWN KUNGDAWN 126 Bible Online

SHAKAWN KUNGDAWN 126 - Jinghpaw Common Language Bible 2009 bible

SHAKAWN KUNGDAWN 126

¹Dai MADU anhte hpe Yerusalem mare de bai woi nhtang wa ai shaloi; dai gaw yup mang zawn rai nga ai!

²Anhte kaning rai mani ai, kaning rai kabu gara mahkawn mangoi saga ai! Dai shaloi kaga amyu baw ni gaw, “Dai MADU shanhte a matu, amu kaba galaw ya nu ai,” nga nna anhte a lam hpe tsun mi ai.

³Shi gaw kaja wa, anhte a matu amu kaba ni hpe galaw ya nu ai; dai gaw anhte a matu kade wa kabu gara shara rai nga sahka!

⁴MADU e, marang jahtu dat ya ai shaloi, hkun hkraw nga ai hkaraw hkam wam ni hta hka ni du shang wa ai zawn, anhte hpe kalang mi bai ngamu ngamai shangun mi law.

⁵Shanhte a nsi naisi ni hpe myi prwi hte gat hkai ai ni gaw kabu gara ai hte bai shu la lu mu ga!

⁶Nli noi hpye hpye nna, hkrap let pru sa wa ai ni gaw hkauling lahkawn hpai nna, kabu gara mahkawn shakawn let bai nhtang wa na mara ai.