Read Jinghpaw Common Language Bible 2009 SHAKAWN KUNGDAWN 132 Bible Online

SHAKAWN KUNGDAWN 132 - Jinghpaw Common Language Bible 2009 bible

SHAKAWN KUNGDAWN 132

¹MADU e, Dawi hte shi hkam sha lai wa sai maru mayak lam yawng hte hpe hkum malap kau et!

²MADU e, Dawi gaw, “Dai MADU a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

⁶Betlehem mare hta e, Sakse Sumpu a lam hpe anhte na saga ai rai nna, dai hpe Yearim a yi hta anhte mu lu sagaw ai.

⁷Anhte gaw, “MADU a nta de anhte sa wa ga; shi a tingnyang man e, anhte nawku daw jau ga,” ngu nna tsun saga ai.

⁸MADU e, na a daru magam n-gun a kumla rai nga ai Sakse Sumpu nga ai Nawku Htingnu de sa wa nna; dai shara hta htani htana shanu nga u.

⁹Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

¹⁰MADU e, na a shangun ma Dawi wa hpe nang ga sadi jaw da nga nit dai majaw; na a namman jaw hkam ai hkawhkam wa hpe hkum kau da nga et.

¹¹Dai MADU gaw, “Ngai na a nsha ni hta na marai langai ngai hpe hkawhkam shatai na we ai, shi gaw na a hkang hta up hkang na ra ai. Lama rai nna, na a nsha ni nye a ga shaka hte shanhte hpe ngai jaw ai hkang da ai ga ni hpe, hkan sa nga ai rai yang chyawm gaw shanhte a kasha ni hpe mung, na a hkawhkam hkringhtawng hta prat dingsa hkawhkam tai lu na mara ai,” nga nna Dawi hpe nang dagam ga sadi tawn da nit dai hpe nang bai nhtang dawm kau na ndai n rai.

¹³Dai MADU gaw Ziun hpe lata la nu ai; dai mare hpe shi a shanu shara shi galaw mayu nga ai rai nna,

¹⁴“Ndai shara hta htani htana ngai anga nga na nngai, dai mare hpe mung, ngai up hkang mayu nga nngai.

¹⁵Ngai gaw Ziun mare hpe shi hta ra kadawn nga ai lam mahkra ntaw ntsang shaman ya na nngai; dai mare na matsan mayan masha ni hpe mung, lusha hte ngai jahkru shakat na nngai.

¹⁶Dai mare na hkinjawng ni galaw ai lam shagu hpe mung, ngai shaman ya na nngai; shing rai, dai mare na amyu masha ni mahkawn mangoi ai hte kabu gara jahtau garu wa na mara ai.

¹⁷Dai shara hta, ngai gaw Dawi a aru arat langai ngai hpe hkawhkam kaba shatai na we ai; ngai lata la ai hkawhkam wa a up hkang ai tara hpe dai shara hta grin nga shangun na nngai.

¹⁸Ngai gaw shi a gumlau hpyen ni hpe kaya kahpa hte htinggrum da ya na nngai; rai ti mung, shi a mungdan gaw ngamu ngamai wa nna gumring gumrat wa na ra ai,” nga nna tsun nga ai.