Read Jinghpaw Common Language Bible 2009 SHAKAWN KUNGDAWN 14 Bible Online

SHAKAWN KUNGDAWN 14 - Jinghpaw Common Language Bible 2009 bible

SHAKAWN KUNGDAWN 14

¹[12] “Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

²Hpaji rawng nna shi hpe nawku daw jau ai ni nga dam ai rai yang, dai hpe mada yu na matu dai MADU gaw sumsing lamu kaw nna shinggyim masha ni hpe gum yu nga ai.

³Rai ti mung, shanhte yawng hte gaw shut hpyit ma masai; shanhte yawng hte wa, maren n kaja nga ma ai. Dai teng man ai amu galaw ai masha shanhte hta langai mi mung n nga nga ai, kaja wa, langai mi mung n nga nga ai.

⁴MADU gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

⁵Rai ti mung, Karai Kasang gaw shi hpe madat mara ai ni hte rau nga nga ai majaw, shanhte hkrit gari wa na mara ai.

⁶N hkru n shawp ai amu galaw ai ni gaw myit shagrit shanem ai masha wa a yaw shada ai lam hpe jahten ya ti mung, MADU gaw shi hpe makawp maga da ai wa rai nga ai.

⁷Awng padang gaw Ziun kaw nna Israela hpang de du sa wa na matu, ngai kade wa akyu hpyi nga a hka! MADU shanhte hpe kalang mi bai ngamu ngamai shangun ai shaloi Israela amyu masha ni kade wa a lu na ma hka!