Read Jinghpaw Common Language Bible 2009 SHAKAWN KUNGDAWN 150 Bible Online

SHAKAWN KUNGDAWN 150 - Jinghpaw Common Language Bible 2009 bible

SHAKAWN KUNGDAWN 150

¹Dai MADU hpe shakawn mu! Shi a Nawku Htingnu hta Karai Kasang hpe shakawn mu! Sumsing lamu hta shi a daru magam n-gun hpe shakawn mu!

²Shi galaw dan sai mauhpa magam bungli a matu shi hpe shakawn mu. Shadawn n dang lu ai shi a galu kaba galu kaba ai amu hpe, shakawn kungdawn mu.

³Pahtau ni hte shi hpe shakawn garu mu. Tingse daw raw ni hte shi hpe kungdawn mu.

⁴Chying bau dum ai hte ka manawt let, shi hpe shakawn kungdawn mu. Tingse ni hte sumpyi ni hpe dum let shi hpe shakawn kungdawn mu.

⁵Shup sheng ni hte shi hpe shakawn kungdawn mu. Grau ngoi gara ai shup sheng ni hte shi hpe shakawn mu.

⁶Nsoi nsa rawng ai ni yawng hte e, dai MADU hpe shakawn kungdawn nga mu! Dai MADU hpe shakawn mu!