Read Jinghpaw Common Language Bible 2009 SHAKAWN KUNGDAWN 3 Bible Online

SHAKAWN KUNGDAWN 3 - Jinghpaw Common Language Bible 2009 bible

SHAKAWN KUNGDAWN 3

¹[2] MADU e, ngai gaw gumlau hpyen law law lu nngai, law law wa ngai hpe gumlau nga ma hka!

²“Karai Kasang gaw shi hpe karum la na ra ai n rai,” nga nna, shanhte gaw nye a lam hpe tsun nga ma ai.

³Rai ti mung, MADU e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

⁴Karum la na matu, MADU hpe ngai shaga nngai; shi ngai hpe shi a chyoi pra ai Bum kaw nna htan ya nga ai.

⁵Dai MADU ngai hpe shana tup makawp maga bau sin nga ai majaw; ngai kaleng taw nna yup lu nngai.

⁶Nye a gumlau hpyen mun sen ni ngai hpe jut man grup wang shinggrup da ti mung, ngai n hkrit nga nngai.

⁷MADU e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

⁸Awng padang gaw MADU kaw nna rai nga ai- Shi gaw shi a amyu masha ni a ntsa e, shaman ya nga u ga law.