Read Jinghpaw Common Language Bible 2009 SHAKAWN KUNGDAWN 61 Bible Online

SHAKAWN KUNGDAWN 61 - Jinghpaw Common Language Bible 2009 bible

SHAKAWN KUNGDAWN 61

¹[57] O Karai Kasang e, nye a jahtau ai nsen hpe na ya e; nye a akyu hpyi ga hpe madat ya e!

²Dum nta hte tsan gang nna myit htum nga yang, ngai nang hpe shaga nngai!

³Nang gaw ngai hpe makawp maga ai wa hte gumlau hpyen ni hpe ninghkap lu ai nye a ngang kang ai dahpran shara rai nga ndai majaw, ngai hpe shim ai shingbyi shara de woi wa e.

⁴Nye a asak prat tup na a chyoi pra ai shara hta ngai nga nga lu n-ga; na a singkaw ni a npu e shim ai shara hta ngai shingwung lu n-ga.

⁵O Karai Kasang e, nye ai ga sadi ni hpe na ya nit dai; nang hpe shagrau sha-a ai ni madu ai sali wunli ni nang ngai hpe jaw ya nit dai.

⁶Hkawhkam wa a asak hpe shaning law law kahtap jat ya u; shing rai, shi gaw matut manoi asak galu nga u ga!

⁷Karai Kasang e, na a man e, shi htani htana a up nga u ga: na a dinggrin tsaw ra myit hte sadi sahka ai myit gaw shi hpe makawp maga ya nga u.

⁸Shaloi, ngai ga sadi jaw da ai hte maren, nang hpe shani shagu jaw nngai; nang hpe tut nawng mahkawn shakawn nga na nngai.