Read Jinghpaw Common Language Bible 2009 SHAKAWN KUNGDAWN 70 Bible Online

SHAKAWN KUNGDAWN 70 - Jinghpaw Common Language Bible 2009 bible

SHAKAWN KUNGDAWN 70

¹[66] Karai Kasang e, ngai hpe hkye hkrang la e! MADU e, ngai hpe ya jang, karum la e!

²Ngai hpe sat na maw mawn ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de nawku htingnut mat wa nna kaya kahpa hkrum sha nga mu ga.

³Ngai hpe mani asawng ai ni gaw shanhte sum mat ai a jaw e, myi man sum mat mu ga.

⁴Nang kaw du sa ai ni yawng hte gaw awng sharawng ai hte kabu gara nga mu ga. Na a hkye hkrang la ai lam hpe chyeju dum ai ni yawng hte gaw, “MADU gaw kade wa galu kaba nga a hka!,” nga nna tut tut atsun nga mu ga.

⁵O Karai Kasang e, ngai gaw gawng kya nga nngai hte matsan mayan re ai wa rai nga nngai; rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a MADU rai nga ndai. Ngai hpe karum la na tin tin du rit law!