Read Jinghpaw Common Language Bible 2009 SHAKAWN KUNGDAWN 76 Bible Online

SHAKAWN KUNGDAWN 76 - Jinghpaw Common Language Bible 2009 bible

SHAKAWN KUNGDAWN 76

¹[72] Yuda mung hta e, Karai Kasang hpe chye ma ai, shi a mying nsang hpe Israela mung hta e, shagrau sha-a nga ma ai.

²Shi gaw Yerusalem mare hpe shi a nta shatai nna, Ziun Bum ntsa hta e, shi shanu nga ai.

³Shi gaw hpyen ni a pala ni hpe mung, shanhte a ninggang ni hte nhtu ni hpe mung, rai sa, shanhte a laknak yawng hpe mung, agrawp shadaw kau ya wu ai.

⁴Karai Kasang e, na a hpung shingkang kade wa galu kaba nga lit hka! Na a hpyen ni hpe nang dang kau ai bum ni kaw na nang nhtang wa yang, na a arawng sadang gaw kade wa kaba nga lit hka!

⁵Shanhte a share shagan ai hpyenla ni gaw shanhte lu ai arai yawng raw sharun la kau ai hkrum ma ai; ya, shanhte si kadawng taw nga masai. Shanhte a n-gun hte kung kyang ai lam yawng hte mung kaman lila sha rai mat manu ai.

⁶Yaku a Karai Kasang e, nang shanhte hpe jahkrit shama dat ai shaloi; gumra ni hte dai hta jawn nang nga ai ni di hkrat si mat masai.

⁷Rai ti mung, MADU e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

⁸Ga ntsa e, dip gamyet sha hkrum ai ni yawng hte hpe hkye hkrang la na matu, tara dara ai lam hpe daw dan na nang rawt tsap wa ai shaloi; mungkan ga gaw hkrit ai hte atsin sha nga nga nu ai. Nang gaw na a tara dara ai lam sumsing lamu kaw nna chye shangun nga ndai.

¹⁰Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

¹¹Dai MADU na a Karai Kasang hpe nang jaw da ai ga sadi hte maren jaw ya u; makau grup yin hta nga nga ai masha amyu baw ni yawng hte e, shi hpe kumhpaw kumhpa sak jaw mu. Karai Kasang gaw masha ni, hpe hkrit kamyin shangun nga ai;

¹²shi gaw gumrawng gumtawng ai hkawhkam shadang sha ni hpe shagrit kau nna; galu kaba ai hkawhkam ni hpe jahkrit shama nga ai.