Read Jinghpaw Common Language Bible 2009 SHAKAWN KUNGDAWN 8 Bible Online

SHAKAWN KUNGDAWN 8 - Jinghpaw Common Language Bible 2009 bible

SHAKAWN KUNGDAWN 8

¹[7] O MADU anhte a MADU e, na a galu kaba ai lam hpe mungkan ting hta mu lu nga a hka! Nang hpe shakawn ai ga ni, sumsing lamu ni de du hkra hkrang lung nga ai;

²dai shakawn ga ni hpe ma kaji ni hte chyu chyu ai ma ngai ni mahkawn ma ai. Nang gaw na a gumlau hpyen ni yawng a lata kaw nna, shim ai hte sim sa nga ndai; nang hpe ninghkap ai kadai hpe mung, nang manga kau nga ndai.

³Nang hpan tawn da ai lamu hpe ngai mada yu ai shaloi; nang gaw shata hte shagan ni hpe shanhte a shara ni hta tawn da nga ndai.

⁴Mungkan masha ngu ai gaw kadai wa rai nna nang myit du ya nga n ni? Si chye ai wa sha hpe, nang hpa rai n-gaw nwai myit madun nga n ni?

⁵Rai tim, nang gaw shi hpe na a npu hprut hku hpan da nhtawm; nang gaw shi hpe hpung shingkang hte arawng sadang ka-up ya nit dai.

⁶Nang shi hpe hpan tawn da ai arai yawng mayawng a ntsa e, up hkang ai wa tai lu na, ahkang ap ya nit dai; nang gaw shi hpe hpan da ai arai yawng mayawng a ntsa e san da nna;

⁷sagu hte dumsu, matse labye dusat ni yawng mung,

⁸ntsa malen u ni, nga ni hte panglai kata e rawng ai hkrung kanu ni yawng hte hpe mung, shi a npu hta nang tawn da nit dai.

⁹O MADU anhte a MADU e, na a galu kaba ai lam hpe mungkan ting hta mu lu nga a hka!