Read Jinghpaw Common Language Bible 2009 SHAKAWN KUNGDAWN 82 Bible Online

SHAKAWN KUNGDAWN 82 - Jinghpaw Common Language Bible 2009 bible

SHAKAWN KUNGDAWN 82

¹[78] Karai Kasang gaw sumsing lamu na kongsi hpe woi awn nga ai; karai ni a zup hpawng hta shi a daw dan ai lam hpe tsun dan nga ai;

²“N tara ai hku tara jeyang ai lam hpe nanhte jahkring da lu na myit dai; tara n lang ai ni hpe myi man tau ai lam nanhte kachyi mi mung n rai lu na myit dai.

³Matsan mayan ni hte jahkrai ma ni a ahkaw ahkang ni hpe makawp maga ya mu; ra kadawn nga ai ni hte karum la na masha kata ai ni hpe rap ra ai hku jeyang mu.

⁴N hkru n hkra re ai masha ni a n-gun atsam kaw na shanhte hpe mawai la mu!

⁵“Nanhte gaw hpaji n chye nga myit hka! Kade sha angawk angak rai nga myit hka! Nanhte gaw tsep kawp hten run mat manit dai; teng man rap ra ai tara gaw ndai mungkan kaw na mat mat sai.

⁶‘Nanhte gaw karai ni rai nga myit dai, nanhte yawng gaw Tsaw Htum ai Wa a kasha ni rai nga myit dai,’ ngu nna ngai tsun ni ai.

⁷Rai ti mung, masha ni zawn, nanhte si wa na marin dai; hkawhkam kasha ni zawn nanhte a asak htum mat na marin dai.”

⁸Karai Kasang e, sa rit, mungkan ga hpe up hkang nga u; amyu baw ni yawng hte gaw na a hkrai rai ma ai.