Read Jinghpaw Common Language Bible 2009 SHAKAWN KUNGDAWN 96 Bible Online

SHAKAWN KUNGDAWN 96 - Jinghpaw Common Language Bible 2009 bible

SHAKAWN KUNGDAWN 96

¹Dai MADU hpe mahkawn ga nnan hte mahkawn mu! Mungkan ga ting dai MADU hpe mahkawn shakawn mu!

²Dai MADU hpe mahkawn mu, shi hpe shakawn mu! Shi anhte hpe hkye hkrang la sai ngu ai kabu gara shiga hpe shani shagu htawn tsun nga mu.

³Masha amyu ni hpe shi a hpung shingkang, amyu masha ni yawng hte hpe shi a grau htum ai magam amu ni hpe htawn tsun dan nga mu.

⁴Dai MADU gaw galu kaba nga ai majaw grai shakawn ging ai wa rai nga ai; karai ni yawng hta shi hpe shagrau sha-a na mai nga ai.

⁵Kaga tsasam amyu baw ni yawng hte a karai ni gaw hpara sumla ni hkrai rai nga ma ai; rai ti mung, dai MADU chyawm gaw sumsing lamu ni hpe hpan da nu ai.

⁶Hpung shingkang hte galu kaba ai hpung shingkang gaw shi hpe shinggrup da nna; daru magam n-gun hte tsawm htap ai lam gaw shi a Nawku Htingnu hta hpring nga ai.

⁷Aga ting na amyu masha ni yawng hte e, dai MADU hpe shakawn mu; shi a hpung shingkang hte daru magam n-gun hpe shakawn mu.

⁸Dai MADU a hpung shingkang hte seng ai mying nsang hpe shakawn mu; shagu hkungga lang let, shi a Nawku Htingnu de shang sa wa mu.

⁹Shi dan pru wa ai shaloi, Chyoi Pra Ai Wa a man e, dingnyawm mu; aga ting shi a man e, hkrit gari nga mu!

¹⁰“Dai MADU gaw hkawhkam rai nga ai! Aga hpe ngang ngang kang kang shi gaw da nna, dai gaw shamu shamawt nga ai n rai; shi gaw amyu masha ni hpe teng man ai lam hte tara jeyang na ra ai,” nga nna amyu baw ni yawng hpe tsun mu.

¹¹Ginding aga hte sumsing lamu ni e, kabu gara nga mu! panglai hte dai hta rawng ai hkrung mahkrung yawng hte e, shi hpe nsen kaba hte jahtau garu nga mu;

¹²pa ni hte dai hta na nga manga yawng hte e, kabu gara nga mu! maling na hpun ni kabu gara jahtau garu wa na mara ai.

¹³Dai MADU gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.