Read Jinghpaw Common Language Bible 2009 ESAIA 12 Bible Online

ESAIA 12 - Jinghpaw Common Language Bible 2009 bible

ESAIA 12

¹Amyu masha ni gaw, “MADU e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

²Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai MADU gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

³Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

⁴Amyu masha ni gaw, “Dai MADU hpe chyeju dum mu! Nang hpe karum la na matu shi hpe shaga u! Shi galaw nu ai amu masha amyu baw ni yawng hpe tsun dan mu! Shi kade wa galu kaba nga ai lam shanhte hpe tsun dan mu!

⁵Shi galaw nu ai galu kaba ai amu ni a majaw dai MADU hpe mahkawn mangoi mu. Mungkan ga ting shiga na la mu ga.

⁶Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.