Read Jinghpaw Common Language Bible 2009 ESAIA 38 Bible Online

ESAIA 38 - Jinghpaw Common Language Bible 2009 bible

ESAIA 38

¹Dai aten hte yang, Hkawhkam Hezekia gaw machyi hkrum ai rai nna ganoi si mat hkra rai nga wu ai. Amot a kasha myihtoi Esaia gaw shi hpe sa hkrum nna, “Nang gaw bai hkam kaja wa na n rai sai majaw lam shagu kup kup tsup tsup lajang tawn nhtawm, si na matu jin jin di da u, nga nna dai MADU nang hpe tsun nga ai,” ngu nna tsun wu ai.

²Hezekia gaw shakum de myi man yawng nna ning ngu akyu hpyi wu ai:

³“MADU e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

⁴Dai hpang dai MADU gaw Esaia hpe Hezekia hpang de nhtang sa nna ning ngu tsun na matu hkang dat wu ai:

⁵“Dai MADU na a nji nwa Dawi a Karai Kasang ngai gaw na a akyu hpyi ga hpe na ni ai; na a myi prwi ni hpe mu ni ai; ngai nang hpe asak shi manga ning jat ya na nngai.

⁶Ngai gaw nang hpe mung, ndai Yerusalem mare hpe mung Asuri hkawseng wa a lata kaw na hkye mawai la na nngai, ngai gaw ndai mare hpe matut nna makawp maga na nngai.”

²¹Esaia gaw hkawhkam wa hpe shi a shakrwi hta maihpang si hpe gumchya la nna up tawn da ai shaloi, shi hkam kaja wa lu na ra ai, ngu tsun yu nu ai.

²²Dai hpang Hkawhkam Hezekia gaw, “Nawku Htingnu de ngai sa wa na gaw kaning re ai sakse kumla rai nga a ta?,” ngu nna san yu nu ai. Esaia gaw, “Dai MADU gaw shi a ga sadi shatup na matu sakse tai na kumla langai nang hpe jaw na ra ai. Hkawhkam Ahaza gap da ai lakang ntsa hta dai MADU gaw shingna n-gam shi htingnut shangun na ra ai,” ngu nna tsun htang wu ai. Dai shingna gaw hpang de n-gam shi htingnut mat nga ai. Hezekia machyi mat ai hpang shi gaw ndai shakawn kungdawn mahkawn ga hpe ka wu ai: Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai. Ngai gaw ndai ahkrung nga ai mungkan ga hta Dai MADU hpe mung, hkrung nga ai masha kadai hpe mung Galoi mung bai mu lu sana n rai, ngu myit nawn kau nngai. Sum run hpya kau hkrum ai zawn, Da lang kaw na sumpan rep la kau hkrum ai zawn, Nye a asak sumri dan kau hkrum ai hte htum mat nga sai. Karai Kasang gaw nye a asak (...)