Read Jinghpaw Common Language Bible 2009 ESAIA 39 Bible Online

ESAIA 39 - Jinghpaw Common Language Bible 2009 bible

ESAIA 39

¹Dai aten daram hta nan, Baladan a kasha Babelon hkawhkam Merodak Baladan gaw Hkawhkam Hezekia machyi hkrum nga ai shiga na wu ai, dai rai nna shi gaw shi hpang de laika langai hte kumhpa shagun ya wu ai.

²Hezekia gaw dat kasa ni hpe atsawm sha hkalum la nhtawm shanhte hpe shi a sut gan rai nga ai aja gumhpraw, manam pyaw ai baw namji namya hte manam hawm ai sau hte shi a hpyen laknak arung arai mahkra hte hpe madun dan wu ai. Shi shanhte hpe n madun yu ai shi a sut gawk ni hte shi a mungdan shara shagu hkan e nga ai arai yawng mayawng hte hpe n madun kau ai shara mi pyi n nga mat salu ai.

³Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

⁴Shanhte ndai hkaw hta hpa baw mu ma ni? Shanhte gaw arai hkum sumhpa hpe mu manu ai. Ngai shanhte hpe n madun hkrup ai sut gawk kata na arai hpa mung n nga sai,” ngu nna htan wu ai.

⁵Dai hpang Esaia gaw hkawhkam wa hpe, “Chyahtum Chyalai N-gun rawng ai dai MADU gaw

⁶na a hkawhkam htingnu kata hta rawng marawng arai mahkra hte, na a nji nwa ni dai ni du hkra mahkawng da nga ai arung arai ni gaw Babelon mung de htawm mat wa hkrum nna, hpa mung ngam da ya na n rai.

⁷Nang hte ading tawk seng ai amyu matu mara nkau mi mung woi la hkrum nna, Babelon hkawhkam htingnu hta e daw jau na matu unuk tai na mara ai aten gaw du na ra ai,” ngu tsun wu ai.

⁸Hkawhkam Hezekia gaw shi a prat hta ngwi pyaw sim sa lam hte shim lum lam nga nga sana re hpe shi chye na wu ai majaw shi gaw, “Ngai hpe nang jaw ya ai dai MADU kaw na mungga gaw mai kaja nga ai,” ngu nna bai htan wu ai.