Read Jinghpaw Common Language Bible 2009 ESAIA 59 Bible Online

ESAIA 59 - Jinghpaw Common Language Bible 2009 bible

ESAIA 59

¹Dai MADU gaw nang hpe hkye la na matu nau wa n-gun kya ai hte karum la na matu na a shaga ai nsen na la na nau wa na lahpang nga ai ngu, hkum myit nawn myit!

²Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

³Nanhte gaw masu magaw ga tsun ai, kabring kabrawng du daw sai hkaw amu galaw ai, hte masha sat amu galaw ai mara lu nga myit dai.

⁴Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

⁵Nang galaw ai n hkru ai maw mawn lam ni gaw atuk rawng ai lapu a di ni zawn si lu nga ai. Adi langai kraw wa nna lapu langai tai wa nga ai! Rai ti mung na a maw mawn ai lam ni gaw nang hpe mai kaja ai amu shapraw dan na n rai-dai ni gaw gindigram tsip hte da ai hpun palawng zawn asung n shang nga ai!

⁷Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

⁸Nang nga ai grup yin hta kadai mung shim ai n rai. Nang galaw ai lam shagu n teng n man nga ai. Nang gaw magaw ai lam hkan nga ndai, galoi mung n shim ai dai lam hta kadai mung n hkawm nga ai.

⁹Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

¹⁰anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

¹¹Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

¹²MADU e, nang hte nhtan shai ai anhte a ru hka amu ni gaw law la nga ai. Anhte a yubak mara ni anhte hpe mara shagun nga ai. Anhte gaw dai lam yawng mayawng hpe kaja wa sadi maja nga ga ai.

¹³Anhte gaw nang hpe gumlau kau saga ai, nang hpe ningdang kau saga ai, na a hpang hkan na matu nyet kau saga ai. Anhte gaw kaga ni hpe dip gamyet sha kau saga ai hte na a man kaw na kayin mat wa saga ai. Anhte a myit mang ai lam ni gaw shut nga ai; anhte tsun ai ga ni gaw masu magaw ga ni hkrai rai nga ai.

¹⁴Teng man rap ra ai tara gaw kanut mat wa sai, ding hpring ai gaw ni sa lu ai n rai. Teng man ai gaw shawa ginra hta ahtu kataw mat sai, myit malang ai hpe dai shara hkan e n mu tam nga sai.

¹⁵Teng man ai lam grai n law ai majaw, n hkru ai amu a tsin-yam hpe kau da ai ni kadai mung tsin-yam hkrum nga ai,” ngu nna tsun ai. Dai MADU gaw ndai amu hpe mu nu ai, shi gaw teng man rap ra ai tara n nga ai majaw n ra sharawng nga ai.

¹⁶Dip gamyet sha hkrum nga ai wa hpe karum la na masha kadai n nga ai hpe mu ai majaw shi mau mat nga ai. Dai rai nna, shi gaw shanhte hpe hkye mawai la na matu hte shi a awng padang lu la na matu shi a daru magam n-gun hpe lang na ra ai.

¹⁷Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

¹⁸Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

¹⁹Sinpraw maga kaw nna sinna maga de du hkra nga ai masha shagu hte gaw shi hpe mung, shi a galu kaba ai daru magam n-gun hpe mung hkrit kamyin wa na mara ai. Shi gaw agre yu wa ai hka nu hpungtun hte nbung bung ja zawn du sa wa na ra ai.

²⁰Dai MADU gaw shi a amyu masha ni hpe, “Ngai gaw nanhte hpe makawp maga na matu mung, yubak kaw na kayin wa ai nanhte yawng hpe hkye la na matu mung Yerusalem de sa wa na nngai.

²¹Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”