Read Jinghpaw Common Language Bible 2009 ESAIA 62 Bible Online

ESAIA 62 - Jinghpaw Common Language Bible 2009 bible

ESAIA 62

¹Ngai gaw Yerusalem hpe n-gun atsam jaw na matu tsun shapraw na nngai; Ngai gaw dai mare hkye hkrang la hkrum ai aten du hkra atsin sha nga na n rai, Dai mare a awng padang gaw shana e htoi ai wan shanan zawn htoi tu nga ai.

²Yerusalem e, masha amyu baw ni gaw nang awng padang lu la nga ndai hpe mu wa na mara ai! Shanhte a hkawhkam ni yawng gaw na a arawng sadang hpe mu wa na mara ai. Nang gaw dai MADUshi nan jaw ai amying Nnan hte shaga hkrum na rai ndai.

³Nang gaw dai MADU a matu tsawm htap ai janmau langai zawn tai na rin dai.

⁴Nang gaw galoi mung “Mare Dingsa” ngu bai shaga hkrum na sai n rai, Na a mungdan gaw “Kabai Da Hkrum Ai Madu Jan,” ngu nna tsun hkrum sana n rai. Na a mying nnan gaw “Karai Kasang gaw shi hpe awng sharawng nga ai,” ngu na ra ai. Na a mungdan gaw “Kabu gara ai hte hkungran la sai,” ngu shaga hkrum na ra ai; Dai MADU gaw nang hta awng sharawng nga ai majaw, Na a mungdan gaw madu wa langai zawn tai na ra ai.

⁵Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

⁶Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai MADU shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

⁷Shi gaw Yerusalem hpe bai gram lajang ai hte mungkan ga ting Dai mare hpe shakawn kungdawn wa ai aten du hkra, shanhte gaw shi hpe ban sa lam jaw ma ai n rai.

⁸Dai MADU gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

⁹Rai ti mung nang hkai nna shu la ai nsi naisi a majaw Muk sha lu nna, dai MADU hpe shakawn kungdawn na rai ndai. Nang yu lajang nna shinggyin da sai sabyi si ni a majaw Nye a Nawku Htingnu wang kata hta sabyi ntsin lu lu na ra ai.”

¹⁰Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

¹¹Dai MADU gaw ginding aga ting hpe ning ngu tsun ndau nga ai: “Dai MADU gaw nang hpe hkye la na matu du sa wa nga ai, Shi mawai la sai amyu masha ni hpe shi hte rau woi sa wa nga ai, ngu Yerusalem amyu masha ni hpe tsun mu.”

¹²Nang gaw, “Karai Kasang a Chyoi Pra Ai Amyu Masha, Dai MADU Hkye Hkrang La Sai Amyu Masha,” ngu nna shaga hkrum na ra ai. Yerusalem gaw, “Karai Kasang Tsaw Ra Ai Mare, Karai Kasang N Kau Da Ai Mare,” ngu nna shaga hkrum na ra ai.