Read Jinghpaw Common Language Bible 2009 JAW JAU 14 Bible Online

JAW JAU 14 - Jinghpaw Common Language Bible 2009 bible

JAW JAU 14

²manggang ana shamai la sai masha langai mi hta hkan shatsup na jasan jaseng lam hte seng ai hkan sa tara ni jaw ya wu ai. Dai shani e shi gaw san seng nu ai rai nna hkinjawng wa kaw woi sa ai hkrum na rai wu ai;

³hkinjawng wa mung shi hpe dap shinggan de woi mat wa nna jep yu na rai wu ai. Dai ana ahkya mai tsai sai rai yang,

⁴hkinjawng wa gaw san seng ai u lahkawng hte hpawn marau hpun hkyep mi, hkyeng ai sumri langai hte kungla lakung langai mi la sa na matu hkang dat na rai wu ai.

⁵Dai hpang hkinjawng wa gaw u langai la nna hka hpawk na lwi ai hka bang da ai ga hte galaw ai ban ntsa hta sat na matu hkang da na rai wu ai.

⁶Shi gaw sat da sai u sai hta kaga u langai mi hte hpawn marau hpun, hkyeng ai sumri hte kungla lakung ni hpe kapruk bang na rai wu ai.

⁷Shi gaw hpyi shan ana jasan jaseng hkrum ai wa hpe sanit lang sai lapri bun ai hte dai wa hpe san seng sai ngu nna tsun na rai wu ai. Hkrung ai u hpe chyawm gaw pa layang de dat kau dat na rai wu ai.

⁸Dai masha wa mung shi a hpun palawng ni hpe hkrut nna shi a kara ni yawng hpe shangun kau nhtawm hka shin na rai wu ai. Shi gaw htung hte maren san seng wa lu na rai wu ai. Dai hpang shi gaw dap de shang mai nga ti mung, shi a sum shinggan e sanit ya tup naw nga nga na rai wu ai.

⁹Dai sanit ya shani e, shi a baw kara hpe mung, nhka mun hpe mung, myi kaw mun hte kaga shi a hkum hta tu ai mun yawng mayawng hpe bai shangun kau ai hte shi a hpun palawng ni hpe hkrut kau nhtawm hka shin kau na rai wu ai. Shi gaw htung hte maren san seng na rai wu ai.

¹⁰Matsat ya ngu na shani e, shi gaw ra n rawng ai sagu la lahkawng hte laning mi ladu hkrum sai sagu yi hte hpawn tsanlun sau hte kayau ai shadung pawng manga, tsanlun sau hpak mi la sa na rai wu ai.

¹¹Hkinjawng wa mung dai jasan jaseng na wa hte hkungga ni hte rau dai MADU a hpung shingkang shanu nga ai Sum a shang wa chyinghka lam de la sa na rai wu ai.

¹²Hkinjawng wa gaw sagu la langai mi la nna namman hpak mi hte hpawn mara raw hkungga a matu dai hpe nawng ya na rai wu ai. Shi gaw hkinjawng wa a matu dai MADU hpe laksan kumhpa shatai nna sak jaw wu ai.

¹³Shi gaw htingrai hkungga hte wan nat hkungga nawng ya na matu yam nga sat ai dai chyoi pra ai shara hta sagu la sat na rai wu ai. Hkinjawng wa gaw htingrai hkungga la lu ai zawn mara raw hkungga a majaw ndai amu hpe shi galaw lu na rai wu ai, dai gaw grai chyoi pra nga ai.

¹⁴Hkinjawng wa gaw dai sagu la a asai loi mi la nna jasan jaseng na wa a hkra na lapyen hta mung, hkra lata yungnu hta mung, hkra lagaw yungnu hta mung chya ya na rai wu ai.

¹⁵Hkinjawng wa gaw tsanlun sau loi mi la nna shi a pai lata lahpan hta ru hkaw nhtawm,

¹⁶dai hpe shi a hkra layung hte tsing la let dai MADU a man e sanit lang lapri bun na rai wu ai.

¹⁷Shi gaw shi a lata lahpan hta na namman loi mi hpe mung, sagu la a asai loi mi hpe mung la nna jasan jaseng hkrum sai wa a hkra na lapyen, hkra lata yungnu, hkra lagaw yungnu ni hta chya ya na rai wu ai.

¹⁸Shi a lata lahpan hta naw ngam ai namman hpe gaw dai masha wa a baw hta chya ya na rai wu ai. Ndai hku nna jasan jaseng ai amu hpe shi hkan shatsup ya na rai wu ai.

¹⁹Dai hpang hkinjawng wa gaw htingrai hkungga nawng ya nhtawm jasan jaseng ai amu shatsup ya na rai wu ai. Shi gaw wan nat hkungga a matu yam nga sat nna

²⁰dai hte rau shadung hkungga hpe tawn hkungri hta nawng ya na rai wu ai. Ndai hku nna hkinjawng wa gaw jasan jaseng ai amu hkan shatsup ya ai hte dai masha wa mung htung hte maren san seng mat na rai wu ai.

²¹Dai masha wa matsan nna loi mi mung n dang di lu ai rai yang, shi a jasan jaseng lam a matu mara raw hkungga shatai na sagu la kasha langai mi hkinjawng wa a matu dai MADU kaw laksan kumhpa hku la sa na rai wu ai. Shi gaw shadung hkungga a matu tsanlun sau hte kayau ai shadung mani pawng lahkawng hte tsanlun sau hpak mi la sa na rai wu ai.

²²Shi gaw hkrudu lahkawng shing n rai ura lahkawng la sa nna htingrai hkungga a matu langai mi, wan nat hkungga a matu langai mi rai na rai nga ai.

²³Shi a hkum jasan jaseng ai matsat ya ngu na shani hta, Sum a shang wa chyinghka lam hta hkinjawng wa hpe dai kumhpa ni la sa ya na rai wu ai.

²⁴Hkinjawng wa gaw sagu la kasha hte tsanlun sau la nhtawm hkinjawng wa a matu dai MADU hpe laksan kumhpa hku nawng ya na rai wu ai.

²⁵Dai hpang shi gaw sagu sat nhtawm sai loi mi la nna jasan jaseng na wa a hkra na lapyen hta mung, hkra lata yungnu hta mung, hkra lagaw yungnu hta mung chya ya na rai wu ai.

²⁶Hkinjawng wa gaw namman loi mi hpe shi a pai lata lahpan hta ru bang nhtawm

²⁷dai hpe shi a hkra lata layung hte dai MADU a man e sanit lang lapri bun na rai wu ai.

²⁸Shi gaw lata hta naw ngam nga ai namman hpe jasan jaseng na wa a hkra na lapyen, hkra lata yungnu, hkra lagaw yungnu ni hta mi na sai chya ai shara hta nan hkan nna chya kahtap na rai wu ai.

²⁹Shi a lata lahpan hta naw ngam ai sau hpe gaw dai wa a baw hta chya ya na rai wu ai. Ndai hku nna jasan jaseng ai amu hkan shatsup na rai wu ai.

³⁰Dai hpang shi gaw hkrudu shing n rai ura lahkawng hpe shadung hkungga hte hpawn,

³¹htingrai hkungga a matu langai mi, wan nat hkungga a matu langai mi nawng ya na rai wu ai. Ndai hku nna jasan jaseng ai amu hpe hkan shatsup lu na rai wu ai.

³²Dai hte gaw manggang kap nna jasan jaseng na matu htung hte maren hkrak nawng ra ai hkungga n dang shapraw lu ai wa hkan sa na tara rai nga ai.

³³Dai MADU gaw Mawshe yan Arun hpe

³⁴nta ni hta kap jawng ai nshu lamu hte seng nna hkan sa na tara ni jaw ya wu ai. (Ndai gaw Israela amyu masha ni a matu sali wunli tai na dai MADU lajang da ya ai Hkanan mung de shang wa ai hpang tsun shadum ai ga rai nga ai.) Marai langai ngai gaw shi a nta hta nshu lamu kap ai hpe mu jang, hkinjawng wa hpang de sa tsun dan lu na rai wu ai.

³⁵

³⁶Hkinjawng wa dai nshu lamu garai n jep ai shaloi, shawng nnan nta kata na arai yawng mayawng shaw kau shangun na rai wu ai. Shing n rai yang, nta kata na arai yawng mayawng mung n san n seng ai ngu nna tsun shabra ai hkrum na wu ai.

³⁷Hkinjawng wa gaw nta de shang nna nshu lamu jep yu na rai wu ai. Nta shakum hkan hkang hkang nna hkyawk ai hkang hta tsit tsit hkyeng hkyeng re ai kap sayang gaw hkinjawng wa dai nta kaw na pru nhtawm,

³⁸dai nta hpe sanit ya tup la da na rai wu ai.

³⁹Sanit ya nhtoi du ai shani e, shi bai nhtang sa nna dai hpe bai sa jep yu na rai wu ai. Nshu lamu jat wa ai rai yang,

⁴⁰dai nshu lamu kap ai nlung malawk la nna mare shinggan na n san n seng ai shara de kabai kau shangun na rai wu ai.

⁴¹Shi gaw kata shakum ni yawng hpe arut kau nhtawm mare shinggan na n san n seng ai shara hta shingyun ni hpe htawm kau na rai wu ai.

⁴²Dai hpang malawk kau sai nlung hkang hta kaga nlung bai bang nna ing gade nnan hte chya na rai wu ai.

⁴³Nta na nlung ni hpe shaw kau nna arut mahkyit ai hte ing gade nnan chya kau ngut ai hpang dai nshu lamu bai kap ai rai yang,

⁴⁴hkinjawng wa sa yu nhtawm dai nta hta nshu lamu jat wa ai rai yang, dai nta gaw n san n seng nga ai.

⁴⁵Dai nta a nlung ni, hpun ngau ni hte ing gade ni yawng hpe run kau nna mare shinggan na n san n seng ai shara de htawm kau na rai wu ai.

⁴⁶Nta naw la da ai laman hte yang, kata de shang ai wa kadai mung shana de du hkra n san n seng nga ai.

⁴⁷Dai nta hta shang galeng ai hte shat lusha shang sha ai wa kadai mung shi a hpun palawng ni hkrut kau ra na rai wu ai.

⁴⁸Dai nta hpe ing gade nnan chya ngut ai hpang, hkinjawng wa sa yu yang nshu lamu n jat wa sayang gaw nshu lamu tsep kawp la kau sai majaw nta dai hpe san seng sai ngu na rai nga ai.

⁴⁹Nta jasan jaseng na matu u lahkawng, marau hpun loi mi, hkyeng ai sumri, kungla lakung re ai ni la sa na rai wu ai.

⁵⁰Shi gaw u langai hpe hka hpawk kaw na lwi ai hka bang da ai ga ban hta sat na rai wu ai.

⁵¹Dai hpang shi gaw marau hpun, kungla lakung, hkyeng ai sumri hte hkrung ai u hpe hka hpawk kaw na lwi ai hka bang da ai ban hta sat bang da ai u sai hta tsing na rai wu ai. Dai nta hpe sanit lang lapri bun na rai wu ai.

⁵²Ndai hku nna u sai, hka hpawk hka, hkrung ai u, marau hpun, kungla lakung hte hkyeng ai sumri ni hte dai nta hpe shi jasan jaseng na rai wu ai.

⁵³Dai hpang shi gaw hkrung ai u hpe mare shinggan na pa layang de dat kau dat na rai wu ai. Ndai hku nna nta jasan jaseng ai amu shi hkan shatsup na rai wu ai. Dai nta mung san seng na rai nga ai.

⁵⁴Ndai ni gaw manggang ana ngu ai hpye ai ningma,

⁵⁵shakrwi kahtet kaba kau nna pang rai hpraw hkyeng ai ana, bu hpun palawng ni hta kap ai nshu lamu hte nta hkan kap ai nshu lamu ni hte seng ai tara ni rai nga ai.

⁵⁶

⁵⁷Ndai tara ni gaw arai lama ma n san n seng ai, san seng ai hpe chye ginhka la shangun na matu daw dan ya ai ni rai nga ai.