Read Jinghpaw Common Language Bible 2009 YEREMIA 16 Bible Online

YEREMIA 16 - Jinghpaw Common Language Bible 2009 bible

YEREMIA 16

¹Bai dai MADU gaw ngai hpe,

²“Ndai zawn re ai shara hta nang num la lu na ndai n rai; kashu kasha mung shaprat lu na n rai.

³Ndai shara e shangai wa ai kashu kasha ni hte shanhte a kanu kawa ni hpa byin wa na lam, ngai nang hpe tsun dan na we ai.

⁴Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

⁵“Nang gaw sharung shayawt nga ai nta hta shang lu na n rai. Kade a matu mung hkum yawn et. Nye a amyu masha ni hpe ngwi pyaw sim sa ai, tsaw ra ai hte matsan dum ai hte loi mi pyi shaman ya na nngai n rai.

⁶Sut su ai ni hte matsan mayan masha ni ndai mungdan hta si na mara ai, rai ti mung, kadai mung shanhte hpe lup makoi na mara ai n rai, shanhte a matu sharung shayawt na ma ai n rai. Kadai mung tinang hkum hpe jahpye lu na n rai, yawn hkyen ai kumla madun na matu shi a baw hpe shangun lu na n rai.

⁷Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

⁸“Masha ni poi galaw nga ai nta hta mung hkum shang et. Shanhte hte rau dung nna hkum lu hkum sha et.

⁹Chyahtum Chyalai N-gun Rawng ai dai MADU Israela a Karai Kasang ngai hpa tsun nga nngai hpe madat u. Ngai gaw kabu gara ai nsen, mani pyaw ai nsen hte hkungran poi lusha a kabu pyaw ai nsen ni hpe jasim kau na we ai. Dai shara na masha ni gaw ndai byin wa na lam hpe mu na mara ai.

¹⁰“Nang shanhte hpe ndai lam yawng tsun dan ai shaloi, ngai shanhte hpe hpa majaw laja lana re ai hku ari jaw na daw dan wu ai kun?, nga nna nang hpe san yu na mara ai. Shanhte a mara gaw kaning re ai ru hka amu rai nga ai hpe mung, dai MADU shanhte a Karai Kasang hpe shut hpyit kau ai yubak gaw kaning re ai rai kun?, nga nna shanhte san pru wa na mara ai.

¹¹Dai hpang, dai MADU gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

¹²Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

¹³Shaloi, ngai gaw nang hte na a nji nwa ni pyi n chye ai mung de ndai mung kaw nna nang hpe shaden kau na nngai. Dai mung hta nang gaw kaga hpara sumla ni hpe shani shana daw jau na myit dai; ngai gaw nang hpe matsan dum ai lam madun dan na nngai n rai.’”

¹⁴Dai MADU gaw, “Egutu mung kaw nna woi shapraw wa ai ahkrung nga ai Karai Kasang ngai hpe Israela amyu masha ni galoi mung n dagam ai aten du wa na ra ai.

¹⁵Shing nga dagam na malai, Israela amyu masha ni hpe dingdung mung hte ngai shanhte hpe shaden shabra kau dat ai kaga mungdan ni yawng kaw na woi shapraw wa ai Karai Kasang gaw ahkrung nga ai ngu shanhte ngai hpe dagam na mara ai. Ngai gaw shanhte a kaji kawa ni hpe jaw da ai mungdan, shanhte a mungdan de bai woi wa na nngai. Dai MADU ngai nan tsun ni ai,” nga nna tsun ai.

¹⁶Dai MADU gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

¹⁷Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

¹⁸Shanhte gaw nye a mungdan hpe asak n rawng ai si mang zawn re ai hpara sumla ni hte awu asin di nhtawm shanhte a n teng n man ai hpara sumla ni hte jahpring da ma ai majaw, ngai gaw shanhte hpe shanhte a yubak hte n hkru ai a matu ari htam lahkawng jaw na we ai,” ngu nna tsun ai.

¹⁹MADU e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

²⁰Masha gaw shi a matu hpara sumla ni hpe galaw lu nga a ni? N rai law, shi galaw ai rai yang, dai ni gaw kaja wa teng teng hpara sumla ni rai na mara ai n rai,” nga nna tsun ai.

²¹Dai rai nna, dai MADU gaw, “Ngai gaw amyu masha ni hpe nye a daru magam n-gun hte marai n-gun hpe kalang dat chye shangun na mawe ai; ngai gaw dai MADU rai nga nngai hpe shanhte chye wa na mara ai,” nga nna tsun ai.