Read Jinghpaw Common Language Bible 2009 YEREMIA 22 Bible Online

YEREMIA 22 - Jinghpaw Common Language Bible 2009 bible

YEREMIA 22

¹Dai MADU gaw Dawi a aru arat rai nga ai Yuda hkawhkam a htingnu de sa na matu ngai hpe tsun wu ai, dai yang e hkawhkam wa hpe mung, shi a du salang ni hte Yerusalem mare masha ni hpe dai MADU tsun sai mungga hpe madat mara na matu ning ngu tsun nu ai:

³“Dai MADU ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

⁴Nang gaw ndai lam ni hpe ngai hkang da ai hte maren teng teng hkan galaw ai rai yang, Dawi a aru arat ni gaw hkawhkam tingnyang hta matut dung lu na mara ai. Shanhte gaw shanhte a du salang ni hte mung, amyu masha ni hte mung rau sha ndai htingnu a chyinghka lam hku nna leng ni hte gumra ni hta jawn let matut nna pru shang lu na mara ai.

⁵Rai ti mung, nang gaw nye a hkang da ai ga hpe n madat ai rai yang, ndai hkawhkam htingnu hten run mat na ra ai ngu, ngai nang hpe dagam de ai. Dai MADU ngai nan tsun ni ai.

⁶“Nye a matu Yuda hkawhkam htingnu gaw Gilead mung hte Lebanon bum ni zawn tsawm htap nga ti mung, ngai gaw dai hpe kadai mung n shanu ai katsi katsang shara shatai kau na nngai.

⁷Dai hpe shamyit kau na matu, ngai gaw masha ni hpe dat dat na nngai. Shanhte yawng gaw ningwa ni lang nna tsawm ai arit hpun nu ni hpe kran nhtawm wan hta kabai bang kau na mara ai.

⁸“Dai hpang maigan masha law law hte gaw dai mare hku lai sa wa let, hpa majaw MADU ngai nan ndai mare kaba hpe dai zawn galaw a ta?, nga nna langai hte langai shada da san hkat na mara ai.

⁹Dai hpang, dai gaw ngai na a Karai Kasang hte tawn da ai na a ga shaka hpe nang kau da nhtawm kaga hpara ni hpe nawku ai hte daw jau myit dai majaw, rai nga ai nga nna shanhte htan na mara ai,” ngu nna tsun ai.

¹⁰Yuda amyu masha ni e, Hkawhkam Yoshia a matu hkum hkrap myit; shi si mat sai majaw sharung shayawt hkum rai myit. Rai ti mung shi a kasha Yoahaza a matu chyawm gaw ahkup ahka nga hkra hkrap nga mu; shanhte gaw shi hpe woi la kau sai rai nna galoi mung nhtang wa na n rai; shi a shangai shara dai daw buga hpe galoi mung mu lu na nu ai n rai.

¹¹Yuda hkawhkam hku nna shi a kawa Yoshia a hkaw shara hta dung ai Yoshia a kasha Yoahaza hte seng nna dai MADU ning nga tsun ai: “Shi gaw ndai shara kaw nna pru mat wa nu ai; galoi mung nhtang wa na ra ai n rai.

¹²Shi gaw shi hpe rim mat wa ai mungdan hta si mat na ra ai; shi gaw ndai mung hpe galoi mung bai mu lu na ra ai n rai.”

¹³Shi a nta hpe n teng n man ai hku gaw gap ai hte dai hpe n ding n man ai hku htawn jat nhtawm mare masha ni hpe kaman sha amu galaw shangun let shanhte lu la ang ai manu jahpu n jaw hkraw ai wa gaw, dingnye hkrum nga ai.

¹⁴“Ngai gaw ntsa htap na dam lada ai gawk ni rawng ai nta kaba hpe ngai hkum nan gaw gap na nngai,” ngu nna tsun ai wa gaw dingnye hkrum nga ai. Dai rai nna, shi gaw shi a nta hta hkuwawt waw nhtawm arit hpun hte dai hpe kum nna hkyeng ai tsi hte chya da nga ai.

¹⁵Kaga hpun ni hta grau kaja tsawm ai arit hpun nta ni hpe nang gaw gap da ndai majaw, dai gaw nang hpe grau kaja ai hkawhkam shatai a ni? Na a nwa gaw hkum tsup ai asak hkrun lam hta kabu gara lu nu ai. Shi gaw tut nawng e teng man ai hte rap ra nga nna, shi galaw ai amu yawng mayawng hta ngamu ngamai nga wu ai.

¹⁶Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai MADU hpe chye chyang na matu lachyum shapraw dan nga ai.

¹⁷Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai MADU tsun nu ai.

¹⁸Dai rai nna, dai MADU gaw Yoshia a kasha, Yuda Hkawhkam Yehoiakim hpe, “Shi a si hkrung si htan hta kadai mung, ‘Gade wa hkrit hpa rai nga a hka, nye a jinghku wa e, gade wa hkrit hpa rai nga a hka!,’ nga nna tsun na ma ai n rai. Kadai mung shi a matu, ‘Nye a madu e! Nye a hkawhkam wa e!,’ nga nna jahtau hkrap na mara ai n rai.

¹⁹Lawze hpe shagrau sha-a lup makoi kau ai zawn shi gaw dun garawt ai hkrum nna Yerusalem a chyinghka ni a shinggan de kabai kau hkrum na ra ai,” ngu nna tsun ai.

²⁰Yerusalem mare masha ni e, Lebanon mung de sa nna marawn mu, Bashan mung de sa nna hkrap shabam mu; Na a hpyen jinghku mungdan ni yawng sum mat masai majaw, Moba bum ni kaw nna jahtau shaga mu.

²¹Nang ngamu ngamai nga ai shaloi, dai MADU nang hpe ga tsun nu ai, rai ti mung nang n madat nga ndai. Dai gaw na a asak hkrun lam tup hta nang galaw sai amu ni rai nga ai; nang gaw dai MADU a ga hpe galoi mung n madat ndai.

²²Na a ningbaw ni gaw nbung e shapoi kau ai hkrum nna, na a hpyen jinghku ni bawng dung hkrum na mara ai, nang galaw kau nit dai n hkru ai amu ni yawng a majaw na a mare jahpoi hkrum ai hte kaya hkrum na ra ai.

²³Lebanon mung kaw na la wa ai arit hpun ni a lapran hta nang shim ai hte ban sa lu ti mung, shinggyim machyi hkrum ai num zawn nchyi nmu gaw nang hpe machyi shangun ai shaloi, nang kade wa matsan mayan hkrum nga n hka!

²⁴Dai MADU gaw Yuda Hkawhkam Yehoiakim a kasha Hkawhkam Yehoiahkin hpe, “Ngai gaw teng teng ahkrung nga ai Karai Kasang rai nga nngai, nye a hkra lata na dazik lachyawp nang rai nga ti mung, ngai nang hpe malaw kabai kau na ni ai,

²⁵nang hpe sat na tam ai masha, nang hkrit ai Babelon Hkawhkam Nebuhkadneza hte shi a hpyenla ni a lata de ngai nang hpe ap kau na de ai;

²⁶Nang hte na nnu hpe mung tsasam mungdan de ngai sa kau na we ai. Shing rai na a daidaw buga n re ai mungdan de nang sa mat wa nna dai yang e nan lahkawng si na rai myit dai.

²⁷Ndai mungdan de bai wa lu na matu, nang ra marit ti mung, nang galoi mung nhtang wa lu na ndai n rai,” nga nna tsun wu ai.

²⁸Ngai gaw, “Ndai Hkawhkam Yehoiahkin hpe kadai mung n ra nna kabai kau sai di bu shaga zawn tai wa nu ni? Shi hte rau shi a kashu kasha ni hpe shanhte hpa mung n chye ai mungdan de hpa majaw bawng dung hkrum mat wa ma ta?,” ngu nna tsun ni ai.

²⁹O lamu ga e, lamu ga, lamu ga e, Dai MADU ning nga tsun sai ga hpe madat u:

³⁰“Ndai masha gaw shi a kashu kasha shamat kau na matu mung, galoi mung n awng dang ai masha tai na matu mung, ndai masha wa gaw dingnye hkrum nga ai. Shi hta Dawi a hkaw tingnyang matut na Yuda mung hpe up hkang na aru arat ni htum mat na mara ai. Dai MADU ngai nan tsun ni ai.”