Read Jinghpaw Common Language Bible 2009 YEREMIA 45 Bible Online

YEREMIA 45 - Jinghpaw Common Language Bible 2009 bible

YEREMIA 45

¹Yoshia a kasha Yuda Hkawhkam Yehoiakim hkaw dung ai mali ning hta, Baruk gaw ngai tsun hkai dan ai ga ni hpe ka da wu ai. Dai hpang ngai gaw shi hpe

²dai MADU, Israela a Karai Kasang gaw, “Baruk e,

³nang gaw, ‘Ngai asum jaw ni ai! Dai MADU gaw nye a ru tsang ai hta yawn hkyen ai mung kahtap jaw ni ai, ngai gaw yawn madai ai hte hki ba nga nngai, ban sa la na lam hpa mung ngai n mu lu nngai!,’ nga nna tsun nga ndai.

⁴“Rai ti mung, dai MADU ngai nan ngai gaw gap da ai hpe run kau na nngai; ngai hkai da ai hpe baw kau na nngai. Ndai zawn re ai amu hpe ga ntsa ting hta ngai galaw na we ai.

⁵Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai MADU ngai nan tsun ni ai.”