Read Jinghpaw Common Language Bible 2009 EZEKELA 15 Bible Online

EZEKELA 15 - Jinghpaw Common Language Bible 2009 bible

EZEKELA 15

¹Dai MADU gaw ngai hpe ga shaga wu ai.

²Shi gaw, “Si chye ai masha wa e, Sabyi ru gaw hpun hte kaning rai shadawn mai nga a ta? Kaja ai sabyi lakung lakying ni gaw maling na hpun ni hte gara hku shadawn mai na rai nga a ta?

³Dai hpe arai lama ma galaw ai hta nang akyu jashawn lu nga a ni? De a ntsa e arai noi na matu chyinghkyi hpe nang galaw lu a ni?

⁴Dai gaw wan a matu ju hpun shatai na matu sha kaja nga ai. Matu e hkru mat nna, ka-ang e wan nsa hte chyang nga ai shaloi, dai n lawm ai sha, arai lama ma hpe nang galaw lu n ni?

⁵Dai gaw garai n hkru yang pyi hpa akyu n rawng nga ai. Ya chyawm gaw dai wan hkru mat nna dai gaw chyang mat sai, dai gaw grau nna pyi asung n shang nga ai,” ngu nna tsun wu ai.

⁶Ya, ndai gaw Tsaw Htum ai dai MADU tsun ai mungga rai nga ai: “Maling e tu ai sabyi ru hpe kran nna ju kau ai zawn, Yerusalem hta shanu nga ai amyu masha ni hpe ngai woi la nna,

⁷shanhte hpe ari jaw na we ai. Shanhte gaw wan mang mi kaw na lawt lu ti mung, wan mang mi gaw shanhte hpe hkru kau na ra ai. Ngai shanhte hpe ari jaw ai shaloi, ngai nan dai MADU rai nga nngai hpe nanhte chye lu na rai myit dai.

⁸Shanhte gaw ngai hta sadi n dung mat nga masai; ngai gaw dai mungdan hpe shingran sharat katsi ai shara shatai kau na nngai.” Tsaw Htum ai dai MADU tsun nu ai.