Read Jinghpaw Common Language Bible 2009 EZEKELA 21 Bible Online

EZEKELA 21 - Jinghpaw Common Language Bible 2009 bible

EZEKELA 21

¹Dai MADU gaw ngai hpe ga shaga wu ai.

²Shi gaw, “Si chye ai masha wa e, Yerusalem hpe jahpoi kau u. Amyu masha ni nawku ai shara ni hpe mung jahpoi kau u.

³Dai MADU ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

⁴Ngai gaw nye a nhtu lang nna dingdung maga kaw nna dingda maga du hkra shanu nga ai masha shagu hpe hkap daw na nngai.

⁵Masha shagu hte gaw dai MADU ngai nan nye a nhtu shaw sai hte dai hpe nhtu n-ga de bai bang kau na n rai nga ai hpe chye wa na mara ai.

⁶“Si chye ai masha wa e, na a myit masin gaw myit daw myit hten nga ai zawn madai nga u. Masha shagu nang hpe mu mada ai shara ni hta yawn hkyen ai hte madai nga u.

⁷Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai MADU nan tsun wu ai.

⁸Dai MADU gaw ngai hpe,

⁹“Si chye ai masha wa e, myihtoi htoi u; dai MADU ngai nan tsun nga ai mungga, dai amyu masha ni hpe ning ngu htawn tsun u: Nhtu, nhtu langai mi dai ai hte kabrim nga ai.

¹⁰Dai gaw masha sat na matu dai nga ai, myihprap wan zawn gala nna kabrim nga ai. Kabu gara ai gaw nga lu na n rai, hpa majaw nga yang, nye a amyu masha ni gaw sadi jaw ai ga hkum shagu hte ari hpe hpa zawn n nawn ya ma ai.

¹¹Nhtu gaw kabrim nga ai, dai hpe lang na jin jin rai nga sai. Masha sat ai wa a lata hta ap ya na matu dai nhtu hpe kabrim hkra garang shadai da nga sai.

¹²Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

¹³Ngai gaw nye a amyu masha ni hpe chyam dinglik yu nga nngai, shanhte gaw myit malai na matu ningdang kau ma ai rai yang, ndai amu yawng shanhte hta byin wa na ra ai.

¹⁴“Ya chyawm gaw, si chye ai masha wa e, myihtoi htoi u. Lata lahpawk dum u, nhtu gaw lang hte lang kayat adup na ra ai. Dai nhtu gaw sat na nhtu, jahkrit shama nhtu hte htau sat nhtu rai nga ai.

¹⁵Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

¹⁶Dai ai nhtu e, hkra de, pai de kahtam azat u! Nang myi man yawng ai shara shagu de kahtam u.

¹⁷Ngai mung lata lahpawk dum ai hte nye a sindawng kahtet ai gaw kawp mat na ra ai. Dai MADU ngai nan tsun ni ai.”

¹⁸Dai MADU gaw ngai hpe ga shaga wu ai.

¹⁹Shi gaw, “Si chye ai masha wa e, Babelon hkawhkam gaw shi a nhtu hte sa lu na lam lahkawng san da u. Dai lam lahkawng gaw mung mi de sha pru sa wa nga ai. Mare lam nbraw e matsing masat ai kumla langai jung da u.

²⁰Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

²¹Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

²²Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

²³Yerusalem hta shanu nga ai amyu masha ni gaw shanhte galaw da lu sai jinghku ga shaka ni a majaw ndai tsun shadum ai ga ni hpe n kam ma ai. Rai ti mung, ndai zawn jau nna hkaw tsun tawn ai ga gaw shanhte galaw ai yubak ni hpe dum shangun ai hte shanhte rim la hkrum na mara ai lam ni hpe shadum jahprang ai lam rai nga ai.

²⁴Dai rai nna, Tsaw Htum ai dai MADU ngai nan ning ngu tsun nga nngai: Nanhte a shut hpyit ai yubak ni gaw dan leng nga nna nanhte hta mara kade kap nga myit dai gaw masha shagu chye nga ma ai. Nanhte galaw ai amu shagu hte hta nanhte a yubak ni hpe madun dan nga myit dai. Nanhte gaw dingnye hkrum nna nanhte a gumlau hpyen ni a lata de ngai ap kau na made ai.

²⁵“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

²⁶Tsaw Htum ai dai MADU nan tsun ni ai. Nanhte a janmau hte bunghkaw ni raw tawn mu. Hpa mung shawng na hte bung na ra ai n rai. Matsan mayan masha ni hpe sharawt nna up hkang nga ai du magam ni hpe shayu kau mu!

²⁷Hten run, hten run! Rai sa, ngai gaw mare hpe jahten sharun kau na nngai. Rai ti mung, dai mare hpe jahten sharun kau na matu ngai lata san da ai wa garai n du dingsa, dai lam byin wa na ra ai n rai. Dai hpe shi a lata hta ngai ap ya na nngai.

²⁸“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai MADU ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

²⁹Nang mu ai shingran ni gaw n teng n man nga ai; nang tau tsun da ai shaba wawt ga ni gaw masu ai lam hkrai rai nga ai. Nang gaw n tara ai hte n hkru ai wa rai nga ndai; na a aten ngu ai jahtum na ari jaw ai na a nhtoi gaw du wa nga ai. Dai nhtu gaw na a du ntsa e mara taw nga sai.

³⁰“ ‘Nhtu hpe n-ga de bai bang tawn u! Ngai gaw nang hpe nang hpan da hkrum ai shara ngu ai nang shangai wa sai mungdan hta tara jeyang na nngai.

³¹Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.

³²Nang gaw wan hte jahten shabyak kau hkrum na rin dai. Na a asai gaw mungdan hta nan jahkaw kau hkrum na rin dai; kadai mung nang hpe htawm hpang e dum na mara ai n rai.’” Dai MADU tsun nu ai.