Read Jinghpaw Common Language Bible 2009 YONA 4 Bible Online

YONA 4 - Jinghpaw Common Language Bible 2009 bible

YONA 4

¹Yona gaw ndai lam hte seng nna grai myit n pyaw ai hte pawt bu nga ai.

²Dai rai nna shi gaw, “MADU e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

³Ya chyawm gaw, MADU e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

⁴Dai MADU gaw, “Nang hpa masin pawt shara nga a ta?,” ngu nna htan wu ai.

⁵Yona gaw mare a sinpraw de pru mat wa nna dung nga ai. Shi gaw shi a matu sum langai gap nna dai Ninewe mare hta hpa byin wa na, la yu nga na matu de a shingnip hta dung nga ai.

⁶Dai hpang, MADU Karai Kasang gaw Yona grau nga pyaw hkra shingnip tai ya u ga, tauba ru langai tu shangun wu ai. Yona mung de a majaw ja ja kabu nga ai.

⁷Rai ti mung, hpang jahpawt nhtoi htoi wa ai aten hta Karai Kasang shangun dat ai shingtai langai mi sa kawa ai majaw nyui si mat sai.

⁸Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

⁹Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

¹⁰Dai MADU gaw shi hpe, “Nang gaw ndai nang n hkai shatut lu ai hkai bawng lana mi sha tu nna hpang shani wai mat ai ndai tauba ru hpe pyi lahpawt dum nga ndai!

¹¹Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.