Read Jinghpaw Common Language Bible 2009 BU HKAWM 15 Bible Online

BU HKAWM 15 - Jinghpaw Common Language Bible 2009 bible

BU HKAWM 15

¹Dai MADU gaw Israela amyu masha ni hpe shi jaw na ngu ai mungdan hta,

²shanhte hkan sa na tara ni Mawshe hpe jaw wu ai.

³Dai MADU a matu wan nat hkungga hpe mung, ga shaka tawn ai shagu hkungga hpe mung, jaw mayu ai hkungga hpe mung, nanhte galoi mung agalaw nga ai nawku htung hte seng ai poi na hkungga ni hpe dumsu usu langai, sagu la langai, sagu hte bainam langai hpra di nna sak jaw na mai nga ai. Dai MADU gaw ndai lusha hkungga ni a manam pyaw ai sangau bat hpe awng sharawng nga ai.

⁴Dai MADU a matu wan nat hkungga shatai na sagu bainam hte jaw jau ai wa kadai mung dai hkungga yam nga shagu hte hpawn shadung hkungga ngu na tsanlun sau joi mi hte kayau ai mani ai shadung pawng lahkawng, sabyi ntsin palin lahkawng chyen hte hpawn la sa na rai ma ai.

⁶Sagu la nawng jau ai rai yang, shadung hkungga shatai na tsanlun sau joi mi jan hte kayau ai mani ai shadung pawng mali,

⁷sabyi ntsin palin masum hte hpawn nawng ya na rai wu ai. Dai MADU gaw dai shagu hkungga ni a sangau bat hpe awng sharawng nga ai.

⁸Wan nat hkungga shing n rai ga shaka tawn ai hkungga shing n rai mahku hkungga a matu dai MADU hpe usu nawng ya ai rai yang,

⁹dai hte hpawn shadung hkungga shatai na tsanlun sau joi lahkawng hte kayau ai mani ai shadung pawng kru hte hpawn sabyi ntsin palin manga hpe lajang nna nawng jau na rai ma ai.

¹⁰Dai MADU gaw dai shagu hkungga a manam pyaw ai sangau bat hpe awng sharawng nga ai.

¹¹Dai gaw usu, sagu la, sagu kasha hte bainam shagu hpe hkungga nawng yang dai lai hku nawng jau na rai nga ai.

¹²Hkungga nawng ya ai yam nga langai hta jan nna nawng ya ai rai yang kade rai yang kade a matu jat bang na rai nga ai.

¹³Israela mung masha shagu gaw dai MADU a matu manam pyaw ai sangau shatai na lusha hkungga nawng jau ai shaloi shing rai galaw na rai ma ai.

¹⁴Nanhte hta jahkring jahkra sa manam ai maigan masha rai ti mung, prat mi hte prat mi shachyaw nna nga ai ni rai ti mung, dai MADU a matu manam pyaw ai sangau tai na lusha hkungga nawng jau ai shaloi shanhte gaw dai tara ni hte maren hkan galaw na rai ma ai.

¹⁵Nanhte hta mung, nanhte kaw hkan nang nga ai maigan masha ni mung, dai tara ni hpe prat dingsa langai sha rai nga na rai nga ai. Nanhte hte shanhte gaw dai MADU a man e langai sha rai nga myit dai rai nna,

¹⁶nanhte hta mung shanhte hta mung dai tara ni hte hkan sa na htung lai ni langai sha rai nga myit dai.

¹⁷Dai MADU gaw Israela amyu masha ni hpe shi jaw na ngu ai

¹⁸mungdan hta shanhte hkan sa na tara ni Mawshe hpe jaw wu ai.

¹⁹Dai mung na sha lu ai lusha hpa hpe mung galaw shapraw myit dai shaloi dai hta na loi mi ngam da nhtawm dai MADU a matu laksan jaw na rai myit dai.

²⁰Nanhte muk kabaw myit dai shaloi nsi naisi nnan kaw na shadung katsing hte galaw ai muk pa hpe dai MADU a matu laksan nawng jau ya na rai myit dai. Dai gaw nanhte chyarang na kabye la ai nsi naisi kaw na galaw la lu ai laksan kumhpa hpe jaw jau ai hte maren nawng jau na lam rai nga ai.

²¹Nanhte kabaw ai ndai muk hta na laksan kumhpa hku dai MADU hpe prat dingsa sak jaw na rai myit dai.

²²Rai ti mung marai langai ngai mahtang dai MADU Mawshe hpe jaw da sai hkan sa na tara ni hpe n dum shami tawt lai kau nna

²³du na ra ai aten hta shawa hpung ting hkan galaw na matu Mawshe hpe dai MADU hkang da ai lam shagu hpe n dum shami a majaw mara rawng ai ngu ga,

²⁴masha hpung ting a hpa n nawn kau ai amu a majaw shut mat ai rai yang, shanhte gaw dai MADU a matu manam pyaw sangau shatai na wan nat hkungga a matu usu langai, htuk ai shadung hkungga hte sabyi hkungga nawng ya na rai ma ai. Dai sha n-ga, shanhte gaw htingrai hkungga a matu bainam la langai mi nawng jau na rai ma ai.

²⁵Shanhte n dum shami shut kau ai yubak mara a matu mung, dai MADU hpang de shanhte a htingrai hkungga hpe lusha hkungga zawn la sa ma ai majaw, hkinjawng wa gaw shawa hpung ting a matu jasan jaseng ai amu galaw ya ai hte shanhte mung mara raw dat ai hkrum na mara ai.

²⁶Masha hkum shagu hte gaw n dum shami shut kau ai mara hta ra rawng nga ai majaw, Israela shawa hpung ting hte shanhte hta nga nga ai maigan masha ni mung mara raw dat kau ai hkrum na rai ma ai.

²⁷Marai langai ngai n dum shami yubak galaw hkrup kau ai rai yang, htingrai hkungga shatai na matu ladu hkrum sai bainam yi langai mi nawng ya na rai wu ai.

²⁸Hkinjawng wa gaw shi hpe yubak mara kaw na jasan jaseng la na matu htung hte maren jasan jaseng ai amu hpe tawn hkungri e galaw na rai wu ai. Shaloi shi mung mara raw dat kau ai hkrum na rai wu ai.

²⁹Israela amyu masha mi rai ti mung, dai mung e nga nga ai maigan masha wa rai ti mung, n dum shami yubak mara shut hpyit kau ai masha shagu hkan sa na tara maren sha rai nga ai.

³⁰Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai MADU hpe n gawn n sawn di ai mara lu nga ai majaw sat kau ai hkrum na rai wu ai;

³¹shi gaw dai MADU tsun ai ga hpe n kaw n law di nna, shi a hkang da ai tara hpe dingsa sa jahten kau wu ai majaw shi hkum nan si hkrung si htan hkrum na rai wu ai.

³²Lang mi na Israela masha ni nam mali e naw rai nga ma yang, masha langai mi Bansa Nhtoi shani hta hpun hta nga ai hpe mu hkrup wu ai.

³³Shi gaw Mawshe, Arun hte shawa hpung ting a man de woi wa ai hkrum wu ai.

³⁴Shi hpe jeyang na lam garai n dan n leng nga ai majaw sin yu da ma ai.

³⁵Dai hpang dai MADU gaw Mawshe hpe, “Dai wa hpe sat kau lu na rai myit dai; shawa hpung ting mung shi hpe dap shinggan de woi shapraw la nna nlung hte kabai sat kau na rai myit dai,” ngu nna tsun wu ai.

³⁶Dai rai nna dai MADU hkang da sai hte maren, shawa hpung ting shi hpe dap shinggan de woi shapraw la nhtawm nlung hte kabai sat kau ma ai.

³⁷Dai MADU gaw Israela amyu masha ni hpe,

³⁸ning ngu htawn tsun na matu Mawshe hpe hkang da wu ai: “Nanhte a hpun palawng jut na shingman hta sawm tsit ai ri hte banbyau byau na rai myit dai. Dai hpe nanhte prat dingsa agalaw lu na rai myit dai.

³⁹Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

⁴⁰Dai banbyau ni gaw nanhte hpe myit dum shangun nhtawm nye a hkang da ai ga ni yawng hpe shatup lu na hte ngai mung nanhte hpe tsep kawp madu da na mawe ai.

⁴¹Ngai gaw dai MADU nanhte a Karai Kasang rai nga nngai. Nanhte a Karai Kasang tai na ngu nna she, Egutu mung kaw na nanhte hpe ngai woi shapraw wa ni ai. Ngai gaw dai MADU rai nga nngai.”