Read Jinghpaw Common Language Bible 2009 BU HKAWM 2 Bible Online

BU HKAWM 2 - Jinghpaw Common Language Bible 2009 bible

BU HKAWM 2

¹Dai MADU gaw Mawshe yan Arun hpe amyu masha ni hkan sa na matsun maroi ga ni jaw ya wu ai.

²Israela amyu masha ni dap sharawt ai shaloi langai hte langai gaw tinang nang a hpung hte seng ai dawnghkawn hte tinang nang a amyu lakung dawnglap npu e sharawt na rai ma ai. Dai dap dabang ni gaw Sum a grup yin hta but nga na rai ma ai.

³Sinpraw maga na Yuda hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: [Amyu Bawsang] — [Ningbaw] — [Hti Hkum] Yuda — Aminadab a kasha Nashon — 74,600 Yisahka — Zua a kasha Nehtanela — 54,400 Zebulun — Helon a kasha Eliaba — 57,400 — Yawng: — 186,400 Ndai ni gaw yawng a shawng numshawn pru na Yuda hpung ni rai ma ai.

¹⁰Dingda maga na Rubin hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: [Amyu Bawsang] — [Ningbaw] — [Hti Hkum] Rubin — Shedura a kasha Elizura — 46,500 Simun — Zurishadi a kasha Shelumila — 59,300 Gad — Duela a kasha Eliasap — 45,650 — Yawng: — 151,450 Ndai ni gaw lahkawng ngu na hta hkan na Rubin hpung ni rai ma ai.

¹⁷Dai hpang, shawng na hpung lahkawng hte hpang e hkan ai hpung lahkawng a lapran hta Sum hpai ai Lewi amyu ni hkan ma ai. Shanhte gaw dabang but yang na zawn hpung shagu gaw tinang nang a dawnghkawn npu hta hkan sa na rai ma ai.

¹⁸Sinna maga na Ehprim hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: [Amyu Bawsang] — [Ningbaw] — [Hti Hkum] Ehprim — Amihu a kasha Eliashama — 40,500 Manashe — Pedazura a kasha Gamale — 32,200 Benyamin — Gidoni a kasha Abidan — 35,400 — Yawng: — 108,100 Ndai hpung ni gaw masum ngu na hta hkan nang na Ehprim hpung ni rai ma ai.

²⁵Dingdung maga na Dan hpung a dawnghkawn npu hta but na shanhte a hpung ni hte ningbaw ni gaw lawu de na chyarang hte maren rai nga ai: [Amyu Bawsang] — [Ningbaw] — [Hti Hkum] Dan — Amishadi a kasha Ahiza — 62,700 Ashe — Ohkran a kasha Pagila — 41,500 Naphtali — Enan a kasha Ahira — 53,400 — Yawng: — 157,600 Ndai Dan a hpung ni gaw hpang jahtum hta hkan nang na rai ma ai.

³²Shing rai hpung hte hpung, amyu bawsang hte bawsang hku hkan nna jahpan bang lawm ai Israela amyu masha ni yawng gaw 603,350 rai nga ai.

³³Dai MADU gaw Mawshe hpe hkang da nu ai hte maren, Lewi masha ni hpe kaga Israela amyu masha ni hpe zawn jahpan hta n shalawm da nga ai.

³⁴Dai rai nna dai MADU gaw Mawshe hpe hkang da nu ai hte maren, lam magup hpe Israela amyu masha ni galaw ma ai rai nna tinang nang a dawnghkawn npu hta shanhte dabang but nhtawm tinang a amyu lakying hku hkan nna shanhte rawt hkawm sa ma ai.