Read Jinghpaw Common Language Bible 2009 BU HKAWM 26 Bible Online

BU HKAWM 26 - Jinghpaw Common Language Bible 2009 bible

BU HKAWM 26

¹Dai ana zinli hkoi mat ai hpang, dai MADU gaw Mawshe hte Arun a kasha Eleaza yan hpe,

²“Asak hkun ning shing n rai dai hta lai sai rai tim majan gasat lu na Israela shawa hpung ting hta na lasha ni yawng hpe dinghku hte dinghku jahpan hta da mu,” ngu nna tsun wu ai.

³Mawshe hte Eleaza mung ga madat nhtawm dai asak pang na lasha ni yawng hpe shaga jahpawng da ma ai. Shanhte gaw Yerihko mare kaw na tawtap rai nga ai Yawdan hka a wora hkran na Moba pa ni hta hpawng nga ma ai. Ndai ni gaw Egutu mung kaw na pru wa ai Israela amyu masha ni rai nga ma ai:

⁴

⁵Rubin a amyu bawsang (Rubin gaw Yaku a shadang sha alat rai nga ai.) Dai hta Hanuk a lakung lakying ni, Hpalu,

⁶Hezron, hte Hkarmi ni rai nga ai.

⁷Dai lakung lakying ni hta hti lawm ai lasha ni gaw 43,730 hte rai ma ai.

⁸Hpalu a amyu matu ni gaw Eliaba

⁹hte shi a shadang sha ni rai nga ai Nemuela, Dahtan hte Abiram ni rai nga ai. (Dai Dahtan hte Abiram yan gaw shawa hpung hku lata san da hkrum ai yan rai ma ai. Shan gaw dai MADU hpe gumlau ma ai shaloi Kora a hpang hkan ai ni hte matut nna Mawshe yan Arun hpe ninghkap ma ai.

¹⁰Shan gaw Kora hte shi a hpang hkan nang ai ni masha 250 hte hpe wan hte hkru kau ai shaloi aga gaw ga mahka wa nna Kora hte rau mayu kau hkrum ai hte dai ni hta si lawm ai yan mung rai nga ai. Shan gaw amyu masha ni a matu shadum jahprang la na kasi kumla langai tai wa masai.

¹¹Rai ti mung Kora a shadang sha ni chyawm gaw n si lawm ma ai.)

¹²Simun amyu bawsang: Dai hta Nemuela, Yamin, Yahkin,

¹³Zera hte Shaula lakung lakying ni rai ma ai.

¹⁴Ndai lakung lakying ni hta na hti lawm ai lasha ni gaw 22,200 hte rai ma ai.

¹⁵Gad a amyu bawsang: Ndai hta Zehpun, Hagi, Shuni, Ozni, Eri, Arod hte Areli ni a lakung lama ni rai nga ai. Ndai lakung lakying ni hta na hti lawm ai lasha ni gaw 40,500 hte rai ma ai.

¹⁶

¹⁷

¹⁸

¹⁹Yuda a amyu bawsang: Dai hta Shela, Hparet, Zera, Hezron, Hamula hte a lakung lakying ni lawm nga ai. (Yuda a shadang sha lahkawng rai nga ai Era hte Onan yan chyawm gaw Hkanan mung e si mat masai.)

²⁰

²¹

²²Ndai lakung lakying ni hta na hti lawm ai lasha ni gaw 76,500 hte rai ma ai.

²³Yisahka a amyu bawsang: Dai hta Htula, Hpua,

²⁴Yashub, Shimron ni a lakung lakying ni rai nga ai.

²⁵Ndai lakung lakying ni hta na hti lawm ai lasha ni gaw 64,300 hte rai ma ai.

²⁶Zebulun a amyu bawsang: Dai hta Sered, Elon, Yalela hte dai ni a lakung lama ni rai nga ai.

²⁷Ndai lakung lama ni hta hti lawm ai lasha ni gaw 60,500 hte rai ma ai.

²⁸Yosep a amyu bawsang ni, shi gaw shadang sha lahkawng rai nga ai Manashe hte Ehprim yan a kawa rai nga ai.

²⁹Manashe amyu bawsang: Manashe a shadang sha Mahkira gaw Gilead a kawa rai nga ai; shanhte a kaji kawa Gilead du hkra pra hkrat wa ai lakung lama ni gaw

³⁰Izera, Helek,

³¹Asriela, Shehkem,

³²Shemida, Hehpera hte shanhte a lakung lama ni rai nga ai.

³³Hehpera a kasha Zelohpehad gaw shadang sha n lu ti mung shayi sha ni lu nga ai. Shanhte a mying ni gaw Mala, Noa, Hogla, Milhka hte Tiza ni rai ma ai.

³⁴Ndai lakung lama ni hta na lasha ni gaw 52,700 hte rai ma ai.

³⁵Ehprim a amyu bawsang: Dai ni hta Shuhtela, Behkera, Tahan hte dai ni a lakung lama ni rai nga ai.

³⁶Shuhtela a matu mara ngu na Eran a lakung lama ni mung lawm nga ai.

³⁷Ndai lakung lama ni hta na lasha nlang ni gaw 32,500 hte rai ma ai. Ndai lakung lama ni gaw Yosep kaw na yu hkrat wa ai matu mara ni rai ma ai.

³⁸Benyamin a amyu bawsang: Dai hta Bela, Asbela, Ahiram

³⁹Shehpuhpam, Huhpam ni hte shanhte a lakung lama ni lawm nga ai.

⁴⁰Bela kaw na hkrat ai matu mara ni hta na Arda hte Naman yan a lakung lama ni mung lawm nga ai.

⁴¹Ndai lakung lama ni hta na hti lawm ai lasha nlang ni gaw 45,600 hte rai ma ai.

⁴²Dan a amyu bawsang: Dai hta Shuham a lakung lama lawm nga ai,

⁴³dai ni hta hti lawm ai lasha nlang ni gaw 64,400 rai ma ai.

⁴⁴Ashe a amyu bawsang: Dai hta Imna, Iswi, Beria ni hte shanhte a lakung lama ni lawm nga ai.

⁴⁵Beria kaw na hkrat ai matu mara ni hta na Hebera hte Mahkiela yan a lakung lama ni lawm ma ai.

⁴⁶Ashe gaw Sera mying ai shayi sha langai lu nga ai.

⁴⁷Ndai lakung lama ni hta na hti lawm ai lasha nlang ni gaw 53,400 hte rai ma ai.

⁴⁸Naphtali a amyu bawsang: Dai hta Yazela, Guni,

⁴⁹Yezera, Shilem hte shanhte a lakung lama ni lawm nga ai.

⁵⁰Ndai lakung lama ni hta hti lawm ai lasha nlang ni gaw 45,400 hte rai ma ai.

⁵¹Israela amyu masha ni hta hti lawm ai shadang lasha ni yawng 601,730 hte rai nga ai.

⁵²Dai MADU gaw Mawshe hpe,

⁵³“Shanhte a jahpan law ai, n law ai hta hkan nna amyu bawsang ni hpe lamu ga sali karan jaw u.

⁵⁴Hpaida da let lamu ga sali karan nhtawm amyu bawsang law ai ni hpe law ai hku, n law ai bawsang ni hpe n law ai hku karan jaw na rai ndai,” ngu nna tsun wu ai.

⁵⁵

⁵⁶

⁵⁷Lewi a amyu bawsang hta Gershon, Kohat Hte Merari ni a lakung lama ni lawm nga ai.

⁵⁸Shanhte a matu mara ni hta Libni, Hebron, Malit, Mushi hte Kora dap lakying ni mung lawm nga ai. Kohat gaw Amram a kawa rai nna Egutu mung e shangai ai Lewi a shayi sha Yohkebed hpe la wu ai.

⁵⁹Shi gaw Amram a matu shadang sha Arun yan Mawshe hpe mung, shayi sha Miriam hpe mung shangai wu ai.

⁶⁰Arun a shadang sha ni gaw Nadab, Abihu, Eleaza hte Ihtama ni rai ma ai.

⁶¹Nadab yan Abihu chyawm gaw dai MADU hpe n chyoi n pra ai wan nawng ya mu ai shaloi si mat masai.

⁶²Lewi masha ni hta shata mi shing n rai shata mi hta jan ai jahpan hta hti lawm ai ni gaw 23,000 rai nga ai. Shanhte gaw Israela amyu hta sali wunli hpa mung n hkam la lu ma ai majaw kaga Israela masha ni a jahpan hta na kaga san ginhka da hkrum nga ma ai.

⁶³Ndai gaw Yerihko na tawtap, Yawdan hka a wora hkran na Moba pa ni hta Mawshe yan Eleaza hta la ai Israela masha ni a yuptung jahpan rai nga ai.

⁶⁴Mawshe yan Arun gaw Sina Nam Mali e shawng hta la ai jahpan hta na masha langai mi pyi n lawm nga ai.

⁶⁵Yehpuna a kasha Hkaleb yan Nun a kasha Yawshu hta kaga shanhte gale hte yawng gaw tinang galaw ai amu hte maren, dai nam mali kata e si mat ma ai,” ngu nna dai MADU tsun nu ai.