Read Jinghpaw Common Language Bible 2009 BU HKAWM 7 Bible Online

BU HKAWM 7 - Jinghpaw Common Language Bible 2009 bible

BU HKAWM 7

¹Dai MADU a hpung shingkang shanu nga ai Sum hpe Mawshe sharawt da ngut ai shani hta, shi gaw Sum hte de a arai ni yawng hpe namman chya nhtawm ap nawng da wu ai.

²Dai hpang amyu lakung lama ni a ningbaw ni ngu na Israela amyu bawsang ni hta na ningbaw ni, yuptung jahpan woi hta ai dai masha ni nan

³dai MADU hpang de shanhte a hkungga ni la sa ma ai. Dai ni gaw leng kru hte dumsu utang shi lahkawng, ningbaw lahkawng hta leng langai ngai, ningbaw shagu a matu utang langai hpra rai na rai nga ai. Dai ni hpe shanhte sak jaw ngut ai hpang,

⁴dai MADU gaw Mawshe hpe, “Dai kumhpa ni Sum amu galaw ai hta

⁵lang na matu hkap la da u; shing rai dai ni hpe Lewi masha ni hta shanhte galaw ang ai amu hku hkan nna karan ya u,” ngu nna tsun wu ai.

⁶Dai rai nna Mawshe gaw dai leng ni hte utang ni, Lewi masha ni hpe jaw ma ai.

⁷Shi gaw Gershon a kashu kasha ni hpe leng lahkawng hte utang mali jaw nna,

⁸leng mali hte utang matsat hpe chyawm gaw Merari kashu kasha ni hpe jaw wu ai. Shanhte galaw na amu yawng Arun a shadang sha Ihtama matsun hpareng ai hku hkan galaw na rai ma ai.

⁹Rai ti mung Kohat a kashu kasha ni mahtang chyoi pra ai arai ni hpe sadi sahka hte shanhte a lahpa hte hpai ma ai majaw Mawshe shanhte hpe leng hte utang ni n jaw ma ai.

¹⁰Ningbaw ni mung tawn hkungri hpe ap nawng ai poi galaw na matu hkungga ni la sa ma ai. Tawn hkungri hta shanhte a kumhpa ni hpe sak jaw na matu shanhte jin jin rai nga ma ai shaloi,

¹¹Dai MADU gaw Mawshe hpe, “Ningbaw ni kaw na marai langai mi gaw nhtoi shi lahkawng ya laman shani shagu tawn hkungri hpe ap nawng na matu tinang a kumhpa ni sak jaw na shanhte hpe tsun u,” ngu nna tsun wu ai.

¹²Shanhte gaw lawu de na jahpan hte maren hkungga ni sak jaw ma ai. [Shani] — [Amyu Bawsang] — [Ningbaw] 1 ya — Yuda — Aminadab a kasha Nashon 2 ya — Yisahka — Zua a kasha Nehtanela 3 ya — Zebulun — Helon a kasha Eliaba 4 ya — Rubin — Shedura a kasha Elizura 5 ya — Simun — Zurishadi a kasha Shelumila 6 ya — Gad — Duela a kasha Eliasap 7 ya — Ehprim — Amihu a kasha Elishama 8 ya — Manashe — Pedazura a kasha Gamale 9 ya — Benyamin — Gidoni a kasha Abidan 10 ya — Dan — Amishadi a kasha Ahiza 11 ya — Ashe — Ohkran a kasha Pagila 12 ya — Naphtali — Enan a kasha Ahira Langai hte langai la sa ai hkungga ni mung bung nga ai; tawn da ai manu hte maren gumhpraw ban langai mi hta aung za manga shi, gumhpraw jarung langai mi hta aung za sumshi, shadung kumhpa a matu dai yan hta jahpring dat ai namman hte gumrin ai mani ai muk shadung; manam pyaw ai baw hte hpring nna aung za mali namnak rawng ai ja ban langai; wan nat hku(...)

⁸⁴Tawn hkungri hpe ap nawng da na matu Israela ningbaw shi lahkawng la sa na hkungga yawng a jahpan gaw lawu de na chyarang hte maren rai na rai nga ai: -gumhpraw ban shi lahkawng hte gumhpraw jarung shi lahkawng, dai ni yawng rai yang pawng kru shi li nga ai. -ja ban shi lahkawng, dai yawng aung za mali shi matsat li nna, manam pyaw ai baw hte hpring nga ai; -wan nat hkungga a matu shadung hkungga ni hte hpawn usu shi lahkawng, sagu la shi lahkawng, laning mi ladu hkrum sai sagu la kasha shi lahkawng, -htingrai hkungga a matu bainam la shi lahkawng; -hkungga ni nawng na matu usu hkun mali, sagu la kru shi, bainam la kru shi, laning mi ladu hkrum sai sagu kasha kru shi rai nga ai.

⁸⁹Mawshe mung dai MADU hte ga shaga na matu Sum kata de shang wa yang, dai Ga Shaka Sumpu a magap ntsa na singkaw tu ai hkrung kanu lahkawng yan a lapran kaw nna dai MADU shi hpe ga shaga ai nsen na wu ai.