Read Jinghpaw Common Language Bible 2009 BU HKAWM 9 Bible Online

BU HKAWM 9 - Jinghpaw Common Language Bible 2009 bible

BU HKAWM 9

¹Israela amyu masha ni gaw Egutu mung kaw na pru mat wa ai lahkawng ning na shata langai hta dai MADU Mawshe hpe Sina Nam Mali e ga shaga wu ai.

²Shi gaw, “Dai shata a shi mali ya shana de jan shang wa mahka e, Shalai Wa Ai Poi a htung tara hte hkan sa na matsun lam ni hte maren, Israela amyu masha ni dai poi hpe galaw lu na rai ma ai,” ngu nna tsun wu ai.

⁴Dai rai nna Mawshe gaw Shalai Wa Ai Poi galaw na matu amyu masha ni hpe tsun wu ai.

⁵Shing rai shawng na shata a shi mali ya shana de dai Sina Nam Mali e shanhte galaw ma ai. Amyu masha ni mung dai MADU Mawshe hpe hkang da nu ai hte maren lam magup hkan galaw ma ai.

⁶Rai ti mung shanhte hta na nkau mi mahtang si mang sa hkra nga ma ai majaw htung hte maren n san n seng nga ma ai rai nna dai shani e Shalai Wa Ai Poi hta n lu lawm ma ai. Shanhte gaw Mawshe yan Arun hpang de sa nhtawm,

⁷“Anhte gaw si mang hkra kau saga ai majaw n san n seng mat saga ai; rai ti mung kaga Israela ni hte rau dai MADU hpe hkungga nawng jau ai hta anhte hpe hpa majaw n shalawm shangun myit ta?,” ngu nna tsun ma ai.

⁸Mawshe gaw, “Dai MADU kaw na matsun maroi ga ngai lu la ai aten du hkra ala nga yu mu,” ngu nna htan wu ai.

⁹Dai MADU gaw Mawshe hpe,

¹⁰Israela amyu masha ni hpang de ning ngu tsun na hkang dat wu ai: “Nanhte hte nanhte a amyu matu hta na kadai rai ti mung si mang hkra nna n san n seng ai hte sumtsan sa mat wa ai a majaw Shalai Wa Ai Poi naw galaw mayu ai rai yang,

¹¹galaw ngut sai dai shata a malai hpang na shata lahkawng ngu na nhtoi shi mali ya shana de galaw lu na rai myit dai. Dai poi hpe matsi n rawng ai muk, hka ai tsi ru hte poi galaw na rai myit dai.

¹²Lusha hpe hpang jahpawt du hkra tawn da lu na n rai; yam nga nra ni hpe kahtam daw lu na n rai; dai amu hpe hkang da sai tara ni yawng hte maren Shalai Wa Ai Poi galaw na rai myit dai.

¹³Rai ti mung n san n seng ai hte sumtsan n hkawm ai sha dai Shalai Wa Ai Poi hpe n galaw ai wa kadai mung ladaw da ya ai aten hta nye a matu hkungga n nawng ya ai majaw nye a amyu masha hta na sumri dan kau ai hkrum na rai wu ai. Shi gaw yubak mara a nni nkri hkam sha lu na rai wu ai.

¹⁴“Nanhte hta hkan shanu nga ai maigan masha langai mi Shalai Wa Ai Poi hpe galaw mayu ai rai yang, hkang da ai tara ni hte hkan sa na tara ni hte maren dai poi hpe galaw lu na rai wu ai. Amyu masha ni hte maigan masha shagu hte gaw dai tara lam langai sha hpe hkan galaw na rai ma ai.”

¹⁵Dai MADU a hpung shingkang shanu nga ai Sum sharawt tawn ai shani e, sumwi yu sa nna dai hpe ka-up da nga ai. Sumwi gaw shana na aten hta wan zawn htoi nga ai.

¹⁷Israela amyu masha ni gaw sumwi dai dawm mat jang dap run hpya nhtawm sumwi yu dung jang dap bai sharawt da nga ma ai.

¹⁸Dai MADU hkang da sai hte maren, amyu masha ni dap run hpya nna shi a ga hte maren dap bai sharawt ma ai. Sum ntsa hta sumwi dung nga dingsa shanhte mung dai dap hta but nga ma ai.

¹⁹Sumwi dai Sum ntsa hta nhtoi na na dung nga jang, dai MADU a ga hpe shanhte madat let bu n hkawm ai sha nga nga ma ai.

²⁰Kalang lang sumwi dai gaw Sum ntsa e tawng ya mi sha dung nga ai. Hpa byin ti mung, dai MADU hkang da ai hte maren shanhte dai dap hta but nhtawm bai hkawm hkawm rai ma ai.

²¹Kalang lang sumwi dai gaw shana de nna jahpawt du hkra sha dung nhtawm sumwi dawm mat wa ai hte rau shanhte bu hkawm ma ai. Sumwi lung mat wa shagu shanhte hkawm ma ai.

²²Bai lahkawng ya, shata mi, laning mi shing n rai dai hta grau na hkra dai sumwi Sum ntsa e dung nga dingsa shanhte bu n hkawm ma ti mung dai sumwi dawm mat jang shanhte hkawm ma ai.

²³Shanhte gaw dai MADU Mawshe hku nna jaw ai hkang da ai ga ni madat mara let dap sharawt ai hte dap gun ma ai.