Read Jinghpaw Common Language Bible 2009 ZEHKARIA 2 Bible Online

ZEHKARIA 2 - Jinghpaw Common Language Bible 2009 bible

ZEHKARIA 2

¹Ngai gaw kaga shingran hta shadawn sumri hpe shi a lata hta lang da ai masha langai hpe mu nngai.

²Ngai gaw, “Nang kade sa wa n ta?,” ngu nna san we ai. Shi gaw, “Yerusalem hpe shadawn nna, dai gaw kade galu ai hte kade dam nga ai hpe chye lu na matu rai nga ai,” ngu nna htan wu ai.

³Dai hpang, ngai hpe ga sa shaga ai lamu kasa gaw shawng de lahkam htawt lung wa yang, kaga lamu kasa mahtang shi hpe sa hkrum nga ai hpe ngai mu nngai.

⁴Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

⁵Dai MADU chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

⁶Dai MADU gaw shi a amyu masha ni hpe, “Ngai gaw nanhte hpe man maga shagu de shabra kau made ai. Rai ti mung ya chyawm gaw bawng dung hkrum ai ni e, Babelon mung na hprawng lawt wa nhtawm Yerusalem de nhtang wa manu.

⁸Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai MADU gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

⁹“Dai MADU gaw shi nan nanhte hpe ninghkap gasat na ra ai; nanhte gaw lang mi nanhte a shangun ma ni tai yu sai amyu masha ni a kashun kashe hpya kau ai hkrum na marin dai.” Ndai lam byin wa ai shaloi, Chyahtum Chyalai N-gun rawng ai dai MADU ngai hpe shangun dat ai amu, masha shagu chye na wa na mara ai.

¹⁰Dai MADU gaw, “Yerusalem mare masha ni e, kabu gara ai hte mahkawn mangoi mu! Nanhte a ka-ang e ngai shanu nga na nngai!,” ngu nna tsun wu ai.

¹¹Dai aten e, masha amyu baw law law ni dai MADU hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

¹²Yuda gaw shi a chyoi pra ai mungdan hta dai MADU lang mi bai lak san madu la ai hkrum na ra ai. Yerusalem gaw yawng hta shi tsaw ra htum ai mare tai na ra ai.

¹³Masha shagu hte e, shi gaw shi a chyoi pra ai nga shara kaw na du sa nga ai majaw dai MADU a man e asim sha nga nga mu.