Read Jinghpaw Common Language Bible 2009 ZEHKARIA 4 Bible Online

ZEHKARIA 4 - Jinghpaw Common Language Bible 2009 bible

ZEHKARIA 4

¹Ngai hpe ga shaga yu sai dai lamu kasa gaw ngai kaw bai sa du nna yup pyaw nga ai hpe jasu ai zawn ngai hpe jasu nna shi gaw,

²“Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

³Pyengdin shadun a makau e tsanlun hpun lakung tu nga ai rai nna, de a makau shagu de langai ngai nga nga ai,” ngu nna htan wu ai.

⁴Dai hpang, ngai gaw lamu kasa hpe, “Madu e, ndai arai ni hpa baw a matu rai ta?,” ngu nna san we ai.

⁵Shi gaw ngai hpe, “Nang n chye n ni?,” ngu nna san wu ai. Shaloi, ngai mung, “N rai law, Madu e, ngai n chye nngai,” ngu nna htan we ai.

¹⁰Lamu kasa gaw ngai hpe, “Dai pyengdin sanit gaw ginding aga ting hpe mu lu ai dai MADU a myi sanit rai nga ai,” ngu nna tsun wu ai.

¹¹Dai hpang ngai gaw shi hpe, “Pyengdin shadun a lahkawng maga nga nga ai tsanlun hpun yan gaw hpa baw lachyum rai ta?

¹²Tsanlun sau ru shalen dat ai aja pyun lahkawng a makau na tsanlun lakung lahkawng a lachyum gaw hpa rai ta?,” ngu nna san we ai.

¹³Shi gaw ngai hpe, “Nang n chye n ni?,” ngu nna san wu ai. Ngai gaw, “N rai, Madu e, ngai n chye nngai,” ngu nna htan dat nngai.

¹⁴Dai hpang, shi gaw, “Dai gaw ginding aga ting a Madu rai nga ai shi hpe daw jau na matu Karai Kasang e lata san da nna namman jaw hkam sai masha lahkawng rai nga ai,” ngu nna tsun wu ai. Zerubabela Hpe Jaw Ai Karai Kasang A Ga Sadi Dai lamu kasa gaw MADU kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai. Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai. Dai hta n-ga, kaga mungga mung dai MADU kaw nna ngai kaw du ai. Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni (...)