Read Jinghpaw Common Language Bible 2009 MALAHKI LAIKA 4 Bible Online

MALAHKI LAIKA 4 - Jinghpaw Common Language Bible 2009 bible

MALAHKI LAIKA 4

¹Chyahtum Chyalai N-gun rawng ai dai MADU gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

²Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

³Ngai shabyin ai nhtoi hta, nanhte gaw tara n lang ai ni hpe ka-up kau ai hte shanhte mung nanhte a lagaw npu e taw ai ga nhpu zawn tai mat na mara ai.

⁴“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

⁵“Rai ti mung galu kaba ai hte hkrithpa re ai dai MADU a nhtoi garai n du yang, ngai nanhte hpang de myihtoi Elia hpe shangun dat na nngai.

⁶Shi gaw kawa ni hte kashu kasha ni hpe bai shinggyin da na ra ai; dai n rai yang, ngai du sa nna nanhte a mungdan hpe jahten sharun kau ya na made ai.”