Read Jinghpaw Common Language Bible 2009 MAHTE 28 Bible Online

MAHTE 28 - Jinghpaw Common Language Bible 2009 bible

MAHTE 28

¹Ya, Bansa Nhtoi lai magang wa nna bat mi a shawng shani ngu ai dai Laban Nhtoi hprim hpram rai wa jang, Magdala Mari hte kaga Mari yan gaw, dai lup hpe yu yu na kawan sa ma ai.

²Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

³Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

⁴Sin ai ni nau hkrit kajawng mat ai majaw, shanhte gari gawa rai nna, si ai masha zawn rai mat ma ai.

⁵Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

⁶Shi nang e nga ai n rai, shi tsun da sai hte maren, shi bai hkrung rawt wa sai: sa marit, shi taw lai wa sai shara hpe sa yu maru.

⁷Ya, alawan pru wa nhtawm, shi a sape ni hpe tsun dan mu, ‘Shi gaw si ai kaw na bai hkrung rawt wa sai rai nna, nanhte a shawng e Galile mung de shi sa wa na ra ai;’ dai yang e nanhte shi hte hkrum na marin dai. Ngai nanhte hpe tsun dan sai ga hpe hkum malap kau myit,” ngu mu ai.

⁸Shaloi shan gaw dai lup de na alawan wa nhtawm, hkrit kahpra ai rai ti mung kabu gara ai myit hpring let shi a sape ni hpe tsun shana ya na matu gat wa ma ai.

⁹Akajawng sha Yesu shanhte hte hkrum nna tsun wu ai gaw, “Ngwi pyaw nga myit ga,” ngu mu ai. Shan gaw Yesu hpang de sit sa nna, shi a lagaw hpe ginshum let shi hpe nawku mu ai.

¹⁰Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

¹¹Ya numsha ni sa wa nga ma yang, lup sin ai hpyen ma ni hta na nkau mi mare de wa nna, dai byin mabyin nlang hte a lam hkinjawng agyi ni hpe shana ya mu ai.

¹²Shaloi hkinjawng agyi ni gaw salang ni hte zuphpawng hpawng nna bawng ban jahkrup ngut jang, shanhte gaw hpyen ma ni hpe gumhpraw law law jaw nhtawm,

¹³“Shana aten e, nanhte yup nga yang, shi a sape ni shi a hkum tsawp hpe sa lagu la mu ai,” ngu nna nanhte tsun mu.

¹⁴Lama rai nna munggyi gaw dai lam na la dam yang, nanhte hpa myit ru shara n nga u ga, nanhte mara n lu ai lam anhte shi hpe tsun shalen na gaw ai, ngu dat mu ai.

¹⁵Shing rai shanhte dai gumhpraw hpe la nna, sharin dat ai hte maren di da mu ai, dai rai nna, ga dai gaw Yuda masha ni hta dai ni du hkra kajai gara pri rai wa sai.

¹⁶Dai sape shi langai hte gaw, Yesu shanhte hpe hkang da ai Galile mung na bum de lung wa ma ai.

¹⁷Shanhte shi hpe mu mu yang, shi hpe nawku ma ai, nkau mi mahtang kam shut ma ai.

¹⁸Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

¹⁹Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

²⁰ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.