Read Jinghpaw Common Language Bible 2009 MAHTE 5 Bible Online

MAHTE 5 - Jinghpaw Common Language Bible 2009 bible

MAHTE 5

¹Yesu gaw shawa masha wunawng wuwa kaba hpe mu hkrup jang, dai bum de shi lung wa sai. Dai kaw e shi dung nga yang, shi a sape ni shi kaw du mahkawng shinggrup nga ma ai rai nna,

²shi shanhte hpe sharin shaga hpang mu ai gaw:

³“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

⁴“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

⁵“Myit sumnung ai ni gaw a lu ma ai; hpa majaw nga yang, shanhte gaw Karai Kasang ga sadi jaw da ai lamu ga hpe madu lu na mara ai!

⁶“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

⁷“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

⁸“Myit masin san seng ai ni gaw a lu ma ai; hpa majaw nga yang, shanhte gaw Karai Kasang hpe mu lu na maru ai!

⁹“Ngwi pyaw simsa lam a matu galaw gunhpai ai ni gaw a lu ma ai; hpa majaw nga yang, shanhte hpe Karai Kasang a kasha ni, ngu nna shamying na maru ai!

¹⁰Karai Kasang a myit ra ai lam hte maren galaw ai majaw zingri zingrat hkrum ai ni gaw a lu ma ai; hpa majaw nga yang, sumsing lamu a mungdan shanhte a mungdan rai nga malu ai!

¹¹“Nanhte nye a hpang hkan nang ai ni re ai majaw, nanhte hpe masha ni asawng asang di nna zingri zingrat nga ma ai hte masu ai hku hkan let mara amyu myu shagun da myit dai shaloi e, nanhte a lu myit dai;

¹²“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

¹³Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

¹⁴Nanhte gaw mungkan ting a matu ninghtoi rai nga myit dai. Bum ntsa e de da ai mare hpe shinggang lu na n rai.

¹⁵Pyengdin langai mi hpe shatu nhtawm mung npu e kadai n tawn da yu ai. Shing rai na malai, nta masha ni yawng hpe nhtoi jaw lu hkra, pyengdin shadun hta tawn da ga ma ai.

¹⁶Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

¹⁷Mawshe a Jep ai Tara hte myihtoi ni a sharin shaga ai ga ni hpe run jahten kau na matu ngai sa du ai zawn hkum nawn nga myit. Dai ni hpe run jahten kau na matu n rai, shanhte a sharin shaga ai lam ni hpe shadik na matu she, ngai sa du ring ngai.

¹⁸Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

¹⁹Dai rai nna, kadai mung, dai hkang da ai ga ni hta na kaji htum ai ga hpe n madat n mara tawt lai nna, masha kaga ni hpe mung, shing rai galaw na matu sharin shaga a yang gaw, sumsing lamu a mungdan hta kaji htum ai wa tai na ra ai. Rai ti mung, jep ai Tara ni hpe madat mara hkan sa nna kaga ni hpe mung dai hte maren galaw na matu sharin achyin ya ai wa chyawm gaw, sumsing lamu a mungdan hta kaba ai wa tai na ra ai.

²⁰Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

²¹‘Masha hkum sat, sat ai wa kadai mung tara agyi wa a man de jeyang hkrum na ra ai,’ nga nna moi shawng na ni hpe tsun ai ga, nanhte na yu manu ai.

²²Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

²³Dai rai nna, nang gaw dai hkungri ntsa e Karai Kasang hpe na a kumhpa sak nawng na matu la sa wa yang, na nhpu nnau wa nang hpe myit n pyaw mara shagun shara lama ma nga ai hpe dai shaloi jang nang dum lu wu yang gaw;

²⁴dai hkungri a man e na a kumhpa hpe tawn da nhtawm, kalang ta wa nna na nhpu nnau wa hte myit jahkrum la na shawng galaw ngut jang she na a kumhpa hpe Karai Kasang kaw nawng ya u.

²⁵Marai langai ngai tara rung e nang hpe hka jun a yang gaw, tara rung de garai n du yang aten naw nga ai laman alawan pyaw hkra jahkrum kau u. Dai hku n galaw jang, shi hte tara rung de du ai hte rau hka jun ai wa gaw tara agyi a lata de nang hpe ap kau na ra ai; tara agyi gaw palik ni a lata de bai ap kau nna nang hpe htawng bang da na mara ai.

²⁶Nang hpe ngai teng teng tsun de ai gaw, hka wa ra ai gumhpraw pyek mi mung n ngam hkra n wa ma dingsa htawng kaw nang rawng nga na rai ndai.

²⁷‘Masha num hkum shaw,’ nga nna tsun da ai ga hpe nanhte na yu manit dai.

²⁸Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

²⁹Dai rai nna, na a hkra maga na myi nang hpe mara galaw shangun n-yang gaw, dai hpe malawk nna kabai kau u! Na a hkum ting hpe ngarai mung de jahkrat kau ai hkrum na hta na a hkum daw langai mi hten na gaw grau kaja nga ai.

³⁰Na hkra maga na lata nang hpe mara galaw shangun n-yang gaw, dai hpe kahtam dut nna kabai kau u! Na hkum ting hpe ngarai mung de jahkrat kau ai hkrum na hta, na a hkum daw langai mi hten na gaw grau kaja nga ai.

³¹Tinang a madu jan hpe jahka mayu ai wa kadai mung, shi hpe jahka sai lam shana ai laika langai mi jaw u ga! nga ai ga mung nga sai.

³²Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

³³Bai, ‘Nang ga sadi run lu na ndai n rai, Karai Kasang a man e nang tawn da ai ga sadi hte maren shadik lu na rai ndai,’ nga nna moi shawng de na ni tsun ai ga hpe mung nanhte na yu manit ai.

³⁴Rai ti mung, ya ngai nanhte hpe tsun made ai gaw, nanhte ga sadi tawn da ai shaloi dagam ai ga hpa mung hkum lang myit, lamu hta dagam lu na myit dai n rai, hpa majaw nga yang dai gaw Karai Kasang tingnyang rai nga ai.

³⁵Aga hta mung n rai, dai gaw shi a lagaw mara ai shara rai nga lu ai; Yerusalem hta mung n rai, dai gaw Hkawhkam Kaba a dung nga ai mare rai nga ai.

³⁶Na a baw hta mung dagam lu na ndai n rai, hpa majaw nga yang, nang gaw, na a kara singgawng langai mi hpe pyi, hpraw u ga, shing n rai chyang u ga, n galaw lu ndai.

³⁷Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

³⁸‘Myi a matu myi, wa a matu wa, bai htang lu na,’ nga nna tsun da ai ga hpe nanhte na yu manit dai.

³⁹Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

⁴⁰Marai langai ngai na a shat palawng hpe la kau mayu ai majaw, nang hpe tara rung de woi sa nna tara dara yang, na a ntsa palawng kaba hpe mung la u ga,

⁴¹Bai nang hpe adip arip di nna mai langai mi rai gun sa shangun ai wa hte rau mai lahkawng naw hkan sa u.

⁴²Marai langai ngai nang kaw lama ma hpyi yang jaw u; marai langai ngai nang kaw lama ma hkoi shap mayu yang hkoi shap ya u.

⁴³‘Na a jinghku ni hpe tsaw ra nna, na a hpyen ni hpe n dawng n yawt lu na n dai,’ nga ai hkang da ai ga hpe nanhte na yu manit dai.

⁴⁴Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

⁴⁵Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

⁴⁶Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

⁴⁷Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

⁴⁸Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.