Read Jinghpaw Common Language Bible 2009 MARKU 13 Bible Online

MARKU 13 - Jinghpaw Common Language Bible 2009 bible

MARKU 13

¹Yesu dai Nawku Htingnu na pru wa yang, shi a sape langai mi gaw, “Sara e, yu u! Ndai nlung ni gaw kaba la ai hte ndai wahpang nta mung hkik hkam nna mauhpa wa n rai nga a ni?,” ngu nna shi hpe tsun wu ai.

²Yesu gaw, “Ndai wahpang nta kaba ni hpe ya nang mu ai n rai ni? Nlung langai mi muk mi na shi a shara hta ngam taw nga na ra ai n rai; dai wahpang ni hta na nlung shagu langai mi a ntsa e langai mi n mara hkra run ayai hkrat mat na ra ai,” ngu nna shi hpe tsun wu ai.

³Yesu gaw Tsanlun bum ntsa e Nawku Htingnu de man yawng let dung nga yang, Petru, Yaku, Yawhan hte Andre hte gaw shanhte hkrai shi kaw sit sa ma ai.

⁴Shanhte gaw, “Nang tsun ai lam gaw galoi me byin na rai ta? Dai lam yawng mayawng dik wa magang yang, hpa kumla ni dan pru na rai ta? Anhte hpe tsun dan mi,” ngu nna lagyim san ma ai.

⁵Yesu gaw, “Nanhte hta na kadai rai ti mung, hkalem kau ai n hkrum myit ga, sadi nga mu.

⁶Masha law law wa nye a mying hte paw pru nna, ‘Ngai gaw dai wa rai nga nngai,” nga nna law law hpe hkalem ai hte lam shadam na mara ai.

⁷Hpyen gasat ai nsen hte majan shiga ni hpe ni ai tsan ai shara kaw na nanhte na myit yang, myit hkum ru myit. Dai zawn re ai amu ni gaw byin lu na ra ai, rai ti mung dai gaw mungkan a jahtum nhtoi du sai ngu ai garai n rai nga ai.

⁸Masha amyu mi hte amyu mi, mungdan mi hte mungdan mi shada da majan byin na mara ai. Shara shagu hta nnang nawn ni nawn wa na ra ai; hkuwa kaba ni mung hku wa na ra ai; dai lam ni gaw shawng nnan daw na ma shangai machyi hpang ai zawn ruyak kyindut ngu ai a npawt nhpang sha naw rai nga ai.

⁹“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

¹⁰Rai ti mung mungkan ga aprat garai n htum yang, masha baw shagu hpe dai Kabu Gara Shiga hkaw dan lu na rai nga ai.

¹¹Nanhte hpe rim la nna tara jawng de ap kau myit yang, kaning ngu nna ga tsun na, myit hkum ru myit: dai aten du ai shaloi nanhte hpe tsun shangun ai hte maren tsun dan mu. Hpa majaw nga yang, nanhte tsun ai ga ni gaw nanhte a ga ni n rai nga ai, Chyoi Pra ai Wenyi a ga ni she rai nga ai.

¹²Masha ni gaw tinang a kahpu kanau shada da si ai de ap bang kau na mara ai. Kasha ni mung shanhte a kanu kawa ni hpe gumlau rawt nna sat kau shangun na mara ai.

¹³Nye a majaw masha shagu nanhte hpe n ju n dawng ai hkrum na marin dai; rai ti mung jahtum du hkra shakut sharang ai wa kadai rai ti mung hkye hkrang la ai hkrum na ra ai.

¹⁴“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

¹⁵Shi a nta numgaw ntsa e nga ai wa gaw, shi a nta na arai lama ma shang la na, hkum yu wa nu ga.

¹⁶Hkauna pa e nga ai wa mung, shi a hpun nba la na nta de hkum nhtang wa nu ga.

¹⁷Dai nhtoi hte hta na-um nasin re ai num ni hte, chyu chyu ai ma ni hte re ai kanu ni nachying yak na mara ai.

¹⁸Dai rai nna, dai lam ni nshung ta hta n byin wa u ga, akyu hpyi nga mu.

¹⁹Hpa majaw nga yang, Karai Kasang hpan tawn da ai ginding aga nnan lat kaw nna ya du hkra n byin yu ai hte, hpang de mung byin lu na ru tsang ai gaw, dai nhtoi hte hta e byin pru na ra ai.

²⁰Dai Madu gaw dai nhtoi hte hpe shayawm shagying kau nu ai; shi shing n di yang gaw kadai mung asak lawt lu na ra ai n rai. Rai ti mung shi lata la ai ni a matu mara, dai nhtoi hte hpe shayawm shagying kau nu ai.

²¹“Dai shaloi masha langai ngai, ‘Yu u, nang e Meshia nga nga ai! Shing n rai, htawra kaw shi nga nga ai!,’ nga nna nanhte hpe tsun myit yang, nanhte hkum kam myit.

²²Hpa majaw nga yang, masu ai Meshia hte masu ai myihtoi ni paw pru na ra ai. Shanhte gaw Karai Kasang a lata la ai masha ni hpe pyi lam shadam lu yang shadam lu hkra lamik kumla ni hte mauhpa amu ni galaw dan na mara ai.

²³Nanhte sadi nga mu! Ngai nanhte hpe ndai lam shagu garai n byin kaw nna tau tsun dan ni ai.

²⁴“Dai ru tsang ai hpang na nhtoi hte hta e, jan gaw sin mat wa nna shata ni nip mat na ra ai.

²⁵Shagan ni mung lamu de na di hkrat mat nna lamu ganghkau na n-gun atsam hking rai ni yawng tinang a shara kaw na htawt kau ai hkrum na mara ai.

²⁶Dai shaloi e, Masha Kasha gaw daru magam hpung shingkang kaba hte sumwi ni hta e du sa ai hpe mu lu na mara ai.

²⁷Dai hpang shi gaw lamu kasa ni hpe lamu ga jut mali maga de shangun dat nna, aga htum ai shara kaw nna lamu htum ai shara du hkra shi lata la ai masha ni hpe shinggyin jahpawng la na maru ai.

²⁸“Maihpang hpun kaw na sharin la ai lam langai mi sharin la mu. De a lakung lakying ni prut majawm wa nna lap lali prut wa jang nlum ta ni wa ra ai hpe nanhte chye nga myit dai.

²⁹Dai hte maren, tsun lai wa sai lam ni byin hpang wa ai hpe nanhte mu ai shaloi, dai Masha Kasha du sa na aten ni ra ai, du sa na jin nga chyalu [21] rai sai hpe chye nga mu.

³⁰Ya pra nga ai ndai amyu masha ni garai n si mat ma yang, dai lam yawng mayawng hte byin mat na ra ai hpe dum nga mu.

³¹Sumsing lamu hte ginding aga lai mat wa timung, nye a ga ni gaw n lai mat wa na li ai.

³²“Rai ti mung, dai shani hte ahkying galoi du na ngu ai hpe Wa hta kaga kadai mung n chye lu ai.

³³Dai ahkying galoi du na ngu ai hpe nanhte n chye nga myit dai majaw, sadi let maja nga mu.

³⁴Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

³⁵Amaja nga mu, hpa majaw nga yang, dai nta madu wa gaw, nrim e, shing n rai yuptung e, shing n rai u goi hpawa e, shing n rai jahpawt manap e, galoi yang rai rai bai du wa na ra ai.

³⁶Shi akajawng sha du wa yu yang, nanhte yup pyaw nga ai hpe n wa mu u ga, sadi let maja nga mu.

³⁷Nanhte hpe ngai tsun made ai hte maren, masha yawng hte hpe mung ngai tsun mawe ga: amaja nga mu!,” ngu nna shanhte hpe tsun mu ai.