Read Jinghpaw Common Language Bible 2009 LUKA 4 Bible Online

LUKA 4 - Jinghpaw Common Language Bible 2009 bible

LUKA 4

¹Yesu gaw Chyoi Pra Ai Wenyi hpring let, Yawdan hka nna bai wa yang, dai Wenyi e nam mali [8] de woi sa wa wu ai.

²Dai yang e nhtoi mali shi ya tup Nat e gunglau ai hkrum wu ai. Dai nhtoi hte laman e shi hpa mung n sha ai rai nna, dai hte ya lai jang, shi kawsi wu ai.

³Dai rai nna Nat gaw, “Nang Karai Kasang a Kasha rai n yang gaw, ndai nlung hpe muk tai u ga, hkang dat u,” ngu wu ai.

⁴Rai ti mung, Yesu gaw, “Masha gaw muk hte sha hkrung nga lu na n rai, nga nna ka da nga ai,” ngu nna htan wu ai.

⁵Bai Nat gaw shi hpe woi lung wa nna, mungkan ga na mungdan ni mahkra hpe myi grip mi hta sha madun dan wu ai.

⁶“Ndai ahkang aya mahkra hte, de a hpung shingkang sutgan mahkra ngai nang hpe jaw na de ai; dai gaw ngai hpe ap ya ni ai rai nna, ngai jaw mayu ai wa kadai hpe mung jaw lu nngai.

⁷Nye a man e ngai hpe nang nawku n yang gaw; ndai yawng na a tai na ra ai,” ngu nna shi hpe tsun wu ai.

⁸Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai nga nna ka da nga ai,” ngu nna htan wu ai.

⁹Bai Nat gaw, Yerusalem mare de shi hpe woi sa wa nna, dai Nawku Htingnu a tsaw dik ai nchyun e shadun tawn nhtawm, “Nang Karai Kasang a Kasha rai n yang gaw, na hkum hpe ndai kaw nna le de jahkrat dat u;

¹⁰Kaning rai nme law, Nang hpe bau sin na, na a matu shi a lamu kasa ni hpe shi hkang da nu ai;

¹¹Bai, Nlung hta na a lagaw n ahtu u ga, shanhte a lata hte nang hpe pawn la na mara ai, nga nna ka da nga ai,” ngu wu ai.

¹²Rai ti mung, Yesu gaw, “Dai Madu na Karai Kasang hpe nang chyam yu lu na n rai, nga nna rawng nga ai,” ngu nna htan wu ai.

¹³Nat gaw, Yesu hpe gunglau ai lam yawng shatup ngut jang, shi kaw na tawng marang mi pru nna nga nga ai.

¹⁴Dai hpang Yesu gaw Chyoi Pra Ai Wenyi n-gun atsam hpring let, Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

¹⁵Shanhte a tara jawng ni hta shi sharin shaga ya nna, masha yawng mayawng gaw shi hpe shagrau sha-a ma ai.

¹⁶Shaloi shi nga kaba wa ai Nazaret mare de du wa ai; shi a htung hte maren, Yuda Bansa shani e dai tara jawng de shi sa nna laika hti na rawt wu ai.

¹⁷Shaloi myihtoi Esaia laika shi hpe jaw mu ai rai nna, dai laika katsu hpaw hpyan dat yang, ning nga nna ka ai shara hpe shi mu hkrup wu ai:

¹⁸“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

¹⁹Karai Kasang shi a amyu masha ni hpe hkye hkrang la na aten du ra ai lam, hkaw tsun shana dan na matu, shi ngai hpe shangun dat ni ai,” nga ai.

²⁰Yesu gaw laika hpe katsu kau nna, tara jawng sin ai wa hpe bai ap ya kau nhtawm, dung wu ai. Tara jawng na masha ni yawng mung shi hpe azi yu nga ma ai.

²¹Shi gaw, “Ndai laika hta ka da ai ga hpe ya hti dan ai shaloi, nanhte na lu ai hte maren dik wa sai,” ngu nna shanhte hpe ga tsun hpaw wu ai.

²²Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

²³Shi gaw, “Nanhte ngai hpe, tsi sara wa e, na hkum hpe shawng shamai la u, nga ai ga malai hte tsun na marin dai. Kaperna-um mare hta nang galaw ai nga anhte na ai amu ni hpe na a buga kahtawng hta mung galaw dan u nga nna mung, ngai e nanhte tsun na marin dai,” ngu nna shanhte hpe tsun mu ai.

²⁴Bai shi gaw, “Nanhte hpe ngai teng teng tsun made ga, kadai myihtoi mung, tinang a buga mare hta hkap hkalum la hkrum ga ai n rai;

²⁵“Ngai tsun ai ga madat yu mu, Elia a prat e, masum ning e shata kru tup marang n htu jan gri nna, dai mung ting hta grai sawng ai hku wa kaba byin wa yang, Israela amyu hta gaida law law nga ma ai:

²⁶Rai ti mung, Israela mung na shanhte langai mi kaw mung Elia hpe n shangun dat wu ai. Sidon mung Zarephta mare e nga ai gaida jan hpang de chyu sha shangun dat wu ai.

²⁷Myihtoi Elisha a prat hta mung, Israela amyu hta manggang kap ai masha law law nga ma ai, rai ti mung, shanhte hta na langai mi mung san pra wa lu ai n rai; Suri masha Naman ngu ai wa chyu sha pra wa lu ai,” ngu mu ai.

²⁸Dai tara jawng na ni yawng gaw, dai lam na jang, ja ja masin pawt bu ma ai.

²⁹Shanhte rawt nna, Yesu hpe mare shinggan de dun garawt shapraw kau nhtawm, shanhte a mare de da ai bum pungding na n-gam mahka kaw nna shi hpe kanawng jahkrat kau na woi dun sa wa mu ai.

³⁰Rai ti mung, shi gaw, shawa masha ni a ka-ang hku ga pru mat wa ai.

³¹Shaloi Galile mung na Kaperna-um ngu ai mare langai mi de sa du ai. Bansa nhtoi ni hta mung, shi shanhte hpe sharin shaga mu ai.

³²Shi sharin shaga ai lam hpe shanhte yawng mau nga ma ai. Hpa majaw nga yang, shi gaw daru magam ahkang aya lu ai ga hte shaga nga ai.

³³Shaloi dai tara jawng hta, n seng ai nat shung ai masha langai mi nga ai, dai wa gaw nsen kaba hte marawn jahtau nna;

³⁴“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

³⁵Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

³⁶Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

³⁷Shaloi, dai ginwang shara shagu hkan e, shi a lam kajai gumhkawng ai ga hkrai pri rai wa sai.

³⁸Yesu gaw tara jawng na pru nhtawm, Simun a nta de shang wa ai. Simun a kani gaw hkali grai bu nga ai rai nna, shanhte shi a matu hpyi lajin ma ai.

³⁹Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

⁴⁰Jan shang wa jang, machyi makaw re ai hte ana ahkya amyu myu kap ai masha ni yawng Yesu hpang de woi sa mu ai. Shi gaw, langai hte langai a ntsa e lata mara ai hte shanhte hpe shamai ya mu ai.

⁴¹Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

⁴²Nhtoi htoi jang, Yesu dai mare na shi pru wa nna, nam na machyi shim ai shara de sa du nga ai. Masha ni shi hpe tam magang nna, shi hpe mu jang, shanhte kaw na n wa mat u ga nga nna hkan hkum da mu ai.

⁴³Shi gaw, “Karai Kasang a Kabu Gara Shiga hpe mare kaga ni hta mung ngai hkaw tsun lu na rai nngai, dai galaw na matu Karai Kasang ngai hpe shangun dat mi ai,” ngu nna shanhte hpe tsun mu ai.

⁴⁴Dai rai nna Galile mung ting na tara jawng ni hta shi hkaw dan nga ai.