Read Jinghpaw Common Language Bible 2009 TARA JAHPRANG 14 Bible Online

TARA JAHPRANG 14 - Jinghpaw Common Language Bible 2009 bible

TARA JAHPRANG 14

¹“Nanhte gaw dai MADU nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

²Ga ntsa hta nga nga ai masha amyu ni yawng hta na shi a amyu masha ni tai nga na matu shi nanhte hpe lata la nu ai majaw dai MADU nanhte a Karai Kasang gaw nanhte hpe madu da nga ai.

³“Dai MADU tsun sai n san n seng ai baw hpe hkum sha myit;

⁴Nanhte sha mai ai dusat ni gaw dumsu, sagu, bainam, chyahkyi,

⁵nam sagu, aya hte zau nyi ni zawn re ai lahkru ga nna

⁶shat lai lai ai shan amyu ni rai nga ai.

⁷Rai ti mung lahkru n ga, shat lai n lai ai shan amyu hpe chyawm gaw sha mai na myit dai n rai. Dai rai nna gawla-uk, prangtai hte lunghkrung shahpan ni hpe nanhte sha mai na myit dai n rai; dai ni gaw lahkru ga ti mung, shat lai n lai nga ai majaw n san n seng ai baw rai nga ai ngu myit la lu na rai myit dai.

⁸Wa shan hkum sha myit, dai gaw n san n seng ai baw rai nga ai ngu nna myit la lu na rai myit dai; dai gaw lahkru ga ti mung shat lai n lai nga ai. Dai dusat baw a shan hkum sha myit; de a si mang ni hpe pyi hkum sa hkra nga myit.

⁹“Singgung hte asep tu ai nga amyu baw hpe nanhte sha mai nga ti mung,

¹⁰hka hta rawng nna singgung hte asep n tu ai hpe chyawm gaw sha mai na myit dai n rai; dai gaw n san n seng nga ai ngu nna myit la lu na rai myit dai.

¹¹“Nanhte gaw san seng ai ntsa malen u sha mai nga myit dai.

¹²Rai ti mung ndai u amyu ni hpe sha mai na n rai nga myit dai; dai ni gaw galang u, uhku ni, langji, langda, uhka, u gawla-uk, panglai hkrudu, u kawp, u gaw amyu myu, hka u, wunpu u, hka uhka, mu u hte patsip re ai ni rai nga ai.

¹⁹“Singkaw tu ai shingtai ni yawng mung n san n seng nga ai majaw dai baw hpe sha lu na myit dai n rai.

²⁰Nanhte gaw san seng ai shingtai sha mai nga myit dai.

²¹“Shi hkrai si ai dusat ashan hpe hkum sha myit. Nanhte hta hkan nga ai maigan masha ni hpe jaw sha na rai myit dai; shing n rai kaga maigan masha ni hpe dut ya na mai nga ai. Rai ti mung dai MADU nanhte a Karai Kasang nanhte hpe madu da nga ai majaw nanhte gaw shi a amyu masha ni rai nga myit dai. “Sagu bainam kasha hpe kanu a chyu hte hkum shapyaw myit.

²²“Shaning shagu nanhte a yi hkauna hta na pru ai nsi naisi yawng a htam shi hta na htam mi hpe karan jahka da na rai myit dai.

²³Dai MADU nanhte a Karai Kasang shi hpe nawku na matu san da ya ai shara de sa nhtawm nai mam, sabyi ntsin, tsanlun sau hte sagu dumsu ni hta na shawng hkrat ai yam nga alat re ai htam shi hta na htam mi hpe shi a man e sha lu na rai myit dai. Ndai amu hpe galaw ai a majaw dai MADU nanhte a Karai Kasang hpe tut nawng shagrau sha-a nga na lam sharin la mai na rai myit dai.

²⁴Dai MADU nanhte hpe shaman ya nna hkam la lu ai htam shi hta na htam mi hpe san da ai nawku shara de gun sa na matu nanhte nga ai dum nta kaw na nau tsan ai rai yang,

²⁵nanhte galaw shapraw ai arai hpe dut la nna nawku ai shara de gumhpraw la sa na rai myit dai.

²⁶Dumsu shan, sagu shan, sabyi ntsin hte chyaru re ai ra mara arai ni hpe mari la nhtawm dai MADU nanhte a Karai Kasang a man e nanhte hte nanhte a dinghku masha ni hte rau lu rau sha let kabu gara nga na rai myit dai.

²⁷“Nanhte a mare ni hta nga ai Lewi masha ni hpe n dum hkum rai myit; shanhte a matu ngu na sut gan sali wunli hpa mung shanhte hta n lu nga ma ai.

²⁸Masum ning du shagu nanhte lu la ai nai mam yawng a htam shi hta na htam mi hpe la nna nanhte a mare ni hta mahkawng da na rai myit dai.

²⁹Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai MADU nanhte a Karai Kasang gaw nanhte galaw ai lam magup hpe shaman ya na ra ai.