Read Jinghpaw Common Language Bible 2009 TARA JAHPRANG 17 Bible Online

TARA JAHPRANG 17 - Jinghpaw Common Language Bible 2009 bible

TARA JAHPRANG 17

¹“Dai MADU nanhte a Karai Kasang hpe ra rawng ai dumsu shing n rai sagu nawng ya lu na n rai; shing re ai hpe dai MADU n ra sharawng nga ai.

²“Nanhte nga ai mare langai ngai hta lasha nkau mi shing n rai numsha nkau mi gaw dai MADU hpe yubak galaw shut nna shi a ga shaka hpe jahten sharun kau na nga,

³dai MADU a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

⁴dai zawn re ai ashi shana ai hpe nanhte na ai shaloi dai hpe atsawm sha san jep yu nhtawm Israela amyu hta n hkru ai amu byin hkrum hkra ai lam teng nga sai rai yang,

⁵dai wa hpe mare shinggan de woi shapraw la nna nlung hte si hkra kabai sat kau na rai myit dai.

⁶Rai ti mung marai lahkawng masum shi a lam sakse hkam ai rai yang chyu sha sat kau ai hkrum mai nga ai. Sakse langai sha rai yang chyawm gaw si ai hkrum lu na wu ai n rai.

⁷Sakse hkam ai ni mahtang shawng kabai nna dai hpang ngam ai amyu masha ni dai wa hpe kabai nang na rai ma ai. Ndai hku nna dai n shawp n kap ai amu hpe nanhte yeng seng kau lu na rai myit dai.

⁸“Sut gan madu la ai ahkaw ahkang hte seng ai amu, masha hkum hpe machyi shangun ai ru hka amu, masha sat amu hte n dum shami masha sat ai bunglat hka amu ni hpe hparan jasat ya na shaloi, buga tara agyi ni a matu nau wa daw dan yak ai amu nkau mi pru wa chye nga ai. Shing re ai lam pru wa jang, dai MADU nanhte a Karai Kasang lata san da sai nawku shara de sa nhtawm,

⁹Lewi hkinjawng ni hte dai aten rung hta tara agyi galaw nga ai wa dai amu hpe daw dan ya u ga, na a amu shawn na rai ndai.

¹⁰Shanhte mung shanhte a daw dan ai lam jaw ya ai hte nang mung shanhte tsun ai hte maren tup hkrak hkan galaw na rai myit dai.

¹¹Shing rai shanhte daw dan ai hpe hkap la nhtawm chyip makup tsun matsun ai hku hkan galaw na rai ndai.

¹²Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

¹³Shaloi dai shi na ai masha shagu hkrit gari nhtawm shing re ai amu hpe kadai mung galaw gwi na mara ai n rai.

¹⁴“Dai MADU nanhte a Karai Kasang nanhte hpe jaw na mungdan hpe nanhte madu la nna dai yang e shanu nga myit dai shaloi nanhte a grup yin na amyu baw ni yawng zawn nanhte hta hkawhkam ra nga myit dai hpe daw dan na rai myit dai.

¹⁵Dai MADU lata da sai wa hpe sha hkawhkam tai wa na matu nanhte teng teng lata na rai myit dai. Shi gaw nanhte a amyu masha hta na langai mi rai lu na rai nga ai; maigan masha wa hpe nanhte a hkawhkam shatai lu na myit dai n rai.

¹⁶Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai MADU shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.

¹⁷Dai hkawhkam wa gaw num law law la tawn lu na n rai; dai gaw shi hpe dai MADU kaw na myi man kayin kau shangun na rai wu ai; aja gumhpraw hte shi hkum hpe sut su shangun lu na n rai.

¹⁸Shi hkawhkam tai wa ai shaloi, Lewi hkinjawng ni kyem mazing da ai ningpawt kanan laika kaw na ka da ai Karai Kasang a tara hte sharin achyin ga ni rawng ai laika langai mi hpe shi lang da na rai wu ai.

¹⁹Shi gaw laika buk dai hpe shi a makau e kyem da nhtawm, shi hkrung nga ai prat dingsa dai hpe hti na rai wu ai. Shing rai dai hta hkang da ai lam magup hte hpe sadi sahka let madat mara hkan sa nna dai MADU hpe shagrau sha-a na lam sharin la na rai wu ai.

²⁰Dai gaw shi hpe kaga Israela masha ni hta grau mai kaja nga ai hte dai MADU a hkang da ai ga hpe lam lama ma hku nna n hkan kau ai kaw na makawp maga ya na ra ai. Dai hpang shi gaw shaning law law up hkang na ra ai rai nna, shi a amyu matu ni mung Israela hpe prat ban law law up hkang na ra ai.