Read Jinghpaw Common Language Bible 2009 TARA JAHPRANG 19 Bible Online

TARA JAHPRANG 19 - Jinghpaw Common Language Bible 2009 bible

TARA JAHPRANG 19

¹“Dai MADU nanhte a Karai Kasang nanhte hpe jaw ya nga ai mungdan hta nga ai masha amyu ni hpe shamyit kau nhtawm dai yang na shanhte a mare ni hte dum nta ni hta nanhte nga lu myit dai hpang,

²dai mungdan hpe daw masum garan da na rai myit dai. Shing rai daw shagu de aloi loi sha du lu ai mare langai ngai tawn da na rai myit dai. Shaloi marai langai ngai hpe sat kau hkrup ai wa mahtang dai shara langai ngai de shi a shim lam a matu hprawng sa lu na rai wu ai.

⁴Shi hte hpyen n tai hkat ti mung, n dum shami marai langai ngai hpe sat kau hkrup ai rai yang, shi a shim lam a matu mare langai ngai de hprawng shingbyi na mai nga ai.

⁵Ga shadawn, marai lahkawng nam maling kata de sa nna rau sha hpun kran nga yang, langai wa mi lang ai nwa malawk mat nna kaga wa hpe hkra kau hkrup nna si mat ai rai yang, mare masum hta na shara langai ngai de hprawng shang mat wa nhtawm dai yang e shim lum ai hte shingbyi lu na rai wu ai.

⁶Hprawng shingbyi na mare langai sha nga nna, dai de hprawng sa na matu tsan ai hte nau wa lit li dum ai rai yang, matai htang na lit lu ai jinghku jingyu wa gaw shi hpe hkan shachyut nna masin pawt ai hte mara n lu ai wa hpe sat kau na ra ai.

⁷Dai lam a majaw hpyen n rai nga ai wa hpe n dum shami sat kau hkrup ai lam rai nga ai. Shing re ai lam a majaw mare masum san da na lam ngai nanhte hpe hkang da made ai.

⁸“Dai MADU nanhte a Karai Kasang gaw nanhte a nji nwa ni hpe ndat da ai mungdan yawng nanhte hpe jaw na nga ga sadi tawn da sai hte maren, nanhte a lamu ga hpe maden jat ya ai shaloi,

⁹kaga mare masum naw san da na rai myit dai. (Dai ni, ngai nanhte hpe hkang da mada hte hpe nanhte galaw shatup nna shi a sharin achyin ai ga ni hte maren, dai MADU nanhte a Karai Kasang hpe tsaw ra let asak hkrung hkawm sa myit dai rai yang, ndai mungdan nanhte hpe jaw na ra ai.)

¹⁰Dai MADU nanhte hpe jaw ai mungdan hta mara n kap ai wa si ai n hkrum ai sha, masha sat ai mara nanhte hta n du malit ga, dai hku galaw nga mu.

¹¹Rai ti mung hpyen wa hpe myit amu sha hte dingsa sat kau nhtawm shingbyi shara nga ai mare langai ngai de hprawng shingbyi nga ai rai yang,

¹²dai lam a majaw shi a mare ningbaw ni masha shangun nna masha sat ai amu a matu matai htang na lit lu ai hpu nau wa a lata hta ap ya ai hte shi sat kau ai hkrum na rai wu ai.

¹³Shi hpe matsan yu dum ai myit madun lu na n rai; nanhte ngamu ngamai wa malit ga, dai zawn masha sat ai amu Israela kaw na yeng seng kau lu na rai myit dai.

¹⁴“Dai MADU nanhte a Karai Kasang nanhte hpe jaw ai mungdan hta moi kaw na nga nga sai nanhte a htingbu wa a lamu ga jarit hpe htawt sit kau ya lu na n rai.

¹⁵“Ru hka amu galaw shut ai mara gawn lu na matu sakse langai sha hte n law nga ai; dai masha wa mara lu nga ai hpe shagrin na matu yawm dik sakse lahkawng ra nga ai.

¹⁶Masha kaga wa hpe machyi shangun na nga, shi a ru hka amu hpe n teng n man ai hku mara shagun ai rai yang,

¹⁷shan lahkawng gaw nawku ai shara langai de sha sa nhtawm rung e nga ai hkinjawng ni hte tara agyi ni a jeyang ai hkam la na rai ma ai.

¹⁸Tara agyi ni mung dai amu hpe azin ayang sagawn yu nhtawm, dai masha wa Israela hpu nau wa hpe n teng n man ai hku mara shagun nu ai rai yang,

¹⁹mara shagun ai wa mahtang ari jaw ai hkrum na rai wu ai. Ndai hku nna n hkru n shawp ai dai amu hpe nanhte yawng seng kau na rai myit dai.

²⁰Dai hpang masha shagu mung dai lam hpe na wa nna hkrit ai hte kadai mung dai zawn re ai n hkru n shawp ai amu hpe bai galaw shapraw na mara ai n rai.

²¹Shing re ai amu ni hta, matsan dum ai myit madun lu na myit dai n rai; shing re ai amu hta asak a matu asak, myi a matu myi, wa a matu wa, lata a matu lata, lagaw a matu lagaw, ari jaw na rai nga ai.