Read Jinghpaw Common Language Bible 2009 TARA JAHPRANG 7 Bible Online

TARA JAHPRANG 7 - Jinghpaw Common Language Bible 2009 bible

TARA JAHPRANG 7

¹Dai MADU nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

²Dai MADU nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

³Shanhte hta na kadai hpe mung la lu na n rai; nanhte a ma ni kadai mung shanhte hta na kadai hte mung la shangun lu na myit dai n rai;

⁴hpa majaw nga yang, dai MADU kaw na yit mat wa nhtawm kaga hpara shaje ni hpe nawku shangun na nga, nanhte a ma ni hpe shanhte lam shayit kau na mara ai. Dai hku byin wa ai rai yang, dai MADU nanhte hpe masin pawt nna akajawng sha shamyit kau na ra ai.

⁵Dai re ai majaw, shanhte a tawn hkungri ni hpe adawt agrawp kau ya mu; shanhte a chyoi pra ai nlung shadaw ni hpe adawt mani kau ya mu; shanhte a Ashera hpara num a masat kumla hpe kran daw kau ya mu; shanhte a hpara sumla ni nat kau ya mu.

⁶Dai MADU nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

⁷“Nanhte gaw kaga masha amyu ni hta grau law nga myit dai majaw dai MADU nanhte hpe tsaw ra nna lata la myit dai n rai; nanhte gaw ginding aga ntsa e kaji htum ai amyu baw ni she rai nga myit dai.

⁸Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai MADU nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

⁹Dai MADU nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

¹⁰rai ti mung shi hpe n dawng n yawt ai ni hpe chyawm gaw dai shaloi jang ari jaw na rai wu ai.

¹¹Dai re ai majaw dai ni ngai nanhte hpe jaw made ai tara ni yawng hpe mung, nanhte sharin achyin hkam la lu sai matsun maroi ga ni yawng hpe mung madat mara hkan sa na rai myit dai.

¹²“Ndai hkang da ai matsun maroi ga ni hpe nanhte madat nna sadi sahka hte hkan sa madat mara myit dai rai yang, dai MADU nanhte a Karai Kasang mung, nanhte a kaji kawa ni hpe ga sadi tawn da nu ai hte maren, shi a dinggrin tsaw ra myit nanhte hpe madun dan nna shi a ga shaka hpe matut shagrin na rai wu ai.

¹³Shi nanhte hpe tsaw ra nna shaman ya ai majaw nanhte hta law htam wa nna kashu kasha law law mayat maya wa na marin dai; nanhte hta nai mam nsi naisi, sabyi ntsin hte tsanlun sau ni lu la myit ga, nanhte a yi sun hkauna ni hpe shi shaman ya na ra ai; nanhte a sagu, dumsu yam nga hpung ni law htam wa lu mu ga, nanhte hpe shi shaman ya nna jaw ya na ra ai. Shi nanhte hpe jaw na ngu nna nanhte a kaji kawa ni hpe ga sadi tawn da sai mungdan hta ndai shaman chyeju ni yawng nanhte hpe jaw ya na marin dai.

¹⁴Masha amyu ni kadai mung nanhte zawn ndai mungkan ga hta gumring gumrat sut su ngamu ngamai na ma ai n rai. Nanhte hta maudung num, maudung la hte yam nga uhtum langai mi mung lawm na n rai.

¹⁵Dai MADU gaw machyi makaw ana ahkya yawng hta na nanhte hpe makawp maga la nhtawm, Egutu mung e nanhte hkrum kadup yu sai hkrit hpa ana zinli hpa hpe mung nanhte hta kap shangun na wu ai n rai; rai ti mung, nanhte a gumlau hpyen ni yawng hpe chyawm gaw shakap ya na wu ai.

¹⁶Dai MADU nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

¹⁷“Ndai masha amyu ni nanhte hta grau law ai mi, shanhte hpe kaning di gawt shapraw kau lu na rai a hka!, nga nna nanhte nan hkum tsun myit.

¹⁸Shanhte hpe hkum hkrit myit; dai MADU nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

¹⁹Dai MADU nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

²⁰Shi gaw hprawng lawt nhtawm makoi gyem nga ai ni hpe mung shanhte hpang de gat shang shangun dat nna shamyit kau na rai wu ai.

²¹Dai rai nna ndai masha ni hpe hkum hkrit myit. Dai MADU nanhte a Karai Kasang gaw nanhte hte rau rai nga ai; shi gaw galu kaba ai Karai Kasang rai nga ai hte hkrit kamyin ging ai wa rai nga ai.

²²Nanhte rawt lung wa myit yang, dai masha amyu ni hpe yat yat sha shi gawt shapraw kau na rai wu ai. Nanhte mung shanhte hpe kalang dat shamyit kau lu na myit dai n rai; nanhte dai hku galaw myit dai rai yang, nam na matse labye ni law wa nhtawm nanhte hpe du hkra sharu shatsang jahkrit shama na marin dai.

²³Dai MADU gaw nanhte a lata hta gumlau hpyen ni hpe ap ya nhtawm shanhte shamyit kau hkrum ai aten du hkra shanhte hpe hkrit kajawng shangun na wu ai.

²⁴Shi gaw shanhte a hkawhkam hpe mung, na a lata hta ap ya na ra ai rai nna, shanhte hpe sat kau lu nhtawm shanhte mung malap kau ai hkrum na mara ai. Masha shagu hpe nanhte shamyit kau lu na rai myit dai; kadai mung nanhte hpe jahkring da lu na ma ai n rai.

²⁵Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai MADU nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

²⁶Nanhte a dum nta nhku daw dap kata de dai zawn re ai hpara sumla ni hpe hkum la shang wa myit; shing rai yang, arai dai zawn nanhte dagam dala hkrum na marin dai. Dai arai ni chyawm gaw dai MADU e dagam kau ai ni rai nga ai majaw, nanhte dai hpara sumla ni hpe n ju n dawng ai hte matsat kau lu na rai myit dai.