Read Jinghpaw Common Language Bible 2009 YAWSHU 19 Bible Online

YAWSHU 19 - Jinghpaw Common Language Bible 2009 bible

YAWSHU 19

¹Lahkawng ngu na lamu ga jarit masat ya ai gaw Simun amyu bawsang hta na lakung lama ni a matu rai nga ai. De a lamu ga gaw Yuda amyu bawsang ni hpe masat ya ai lamu ga kata hta lawm nga ai.

²Dai hta lawm ai ni gaw Berasheba, Sheba, Molada,

³Haza Shuala, Bala, Ezem,

⁴Elatola, Behtula, Horma,

⁵Ziklag, Bet Marahkabot, Haza Susa,

⁶Bet Lebaot hte Sharuhen hte rai nga ai. Mare shi masum hte de a grup yin na kahtawng ni lawm nga ai.

⁷Ain, Rimon, Ehtera hte Ashan; mare mali hte de a grup yin kahtawng ni mung lawm nga ai.

⁸Bai dingda maga Balat Bera (shing n rai Rama) shara du hkra na mare ni a grup yin kahtawng ni mung lawm nga ai. Dai gaw Simun a amyu bawsang hta na lakung lama ni lu la ai shanhte a sali ga rai nga ai.

⁹Yuda hpe masat ya ai lamu ga gaw ra ai hta jan hkra kaba nga ai majaw de a daw mi Simun a amyu bawsang hpe jaw kau ma ai.

¹⁰Masum ngu na masat gaw Zebulun amyu bawsang hta na lakung lama ni a matu rai nga ai. Shanhte a lamu ga jarit gaw Sarid du hkra rai nga ai.

¹¹Dai kaw nna lamu ga jarit gaw sinna maga Marela de hprang, Dabeshet hte Yokneam a sinpraw maga na hka shi de htuk rai nga ai.

¹²Sarid a maga mi kaw nna rai wa yang sinpraw maga Hkrislot Tabora rit de hkroi, Daberat hku hprang, Yahpia e byawn rai nga ai.

¹³Dai kaw nna Gat Hehpera hte Ethkazin hku hprang, sinpraw de sa wa, Rimon de du ai lam ntsa na Nea mare de kayin wa ai.

¹⁴Dingdung jarit gaw Hanahton hku kayin garet mat wa nhtawm Iphtela Kadit e htuk rai nga ai.

¹⁵Dai hta Kata, Nahala, Shimron, Idala hte Betlehem: mare shi lahkawng hte hpawn de a grup yin kahtawng ni mung lawm nga ai.

¹⁶Ndai ni gaw Zebulun amyu bawsang hta na lakung lama ni madu la lu ai sali ga kahtawng ni hte mare ni rai nga ai.

¹⁷Mali ngu na masat gaw Yisahka amyu bawsang hta na lakung lama ni a sali ga rai nga ai.

¹⁸De a ginwang hta Yezrela, Hkesulot, Shunem,

¹⁹Hahparim, Shion, Anaharat,

²⁰Rabit, Kishon, Ebeza,

²¹Remet, Enganim, Enhada, Bethpaze ni lawm nga ai.

²²Dai lamu ga jarit gaw Tabora, Shahazuma, hte Bet Sheme ni hpe wa garet hkra nhtawm Yawdan hka e htuk rai nga ai. Mare shi kru hte hpawn dai ni a grup yin kahtawng ni lawm nga ai.

²³Dai gaw Yisahka amyu bawsang hta na lakung lama ni madu la ai sali ga na kahtawng hte mare ni rai nga ai.

²⁴Manga ngu na masat sali gaw Ashe amyu bawsang hta na lakung lama ni a matu rai nga ai.

²⁵De a ginwang hta Helkat, Hali, Beten, Ahkashahpa,

²⁶Alam Melek, Amad hte Mishala mare ni lawm ma ai. Sinna maga de Hkarmela hte Shihoron Libnat du hkra rai nga ai.

²⁷Dai gaw sinpraw maga de bai kayin wa nna Bet Dagon hku hprang, Zebulun hte Iphtahela hpe wa hkra nna dingdung maga Bet Emek hte Niela de hkrang sa wa nga ai. Dai gaw dingdung maga Hkabula de du nga ai.

²⁸Dai kaw nna Ebron, Rehob, Hamon, Kana hku hkan nna Sidon du hkra rai nga ai.

²⁹Dai hpang Rama hku kayin wa nna bunghku kum ai Turu mare hku hprang, Hosa de bai kayin nhtawm Ka-ang Panglai e htuk rai nga ai.

³⁰Dai hta e Mahalaba, Akhziba, Uma, Ahpek hte Rehob mare ni mung lawm nga ai; de a grup yin ni hte hpawn mare hkun lahkawng rai nga ai.

³¹Dai gaw Ashe amyu bawsang hta na lakung lama ni madu la lu ai sali ga na mare kahtawng ni rai nga ai.

³²Kru ngu na masat sali ga gaw Naphtali amyu bawsang hta na lakung lama ni a matu rai nga ai.

³³Dai lamu ga jarit gaw Helep kaw nna Zananim shara na wamyi hpun hku hkrawn, Adaminekab, Yebnela hte Lakum hku hprang, Yawdan hka e htuk rai nga ai.

³⁴Sinna de kayin nna Azanot Tabora hku hprang, dai yang kaw nna Hukok e byawn, dingda maga Zebulun hte tut, sinna maga Ashe hte tut, sinpraw maga Yawdan hka jarit du hkra rai nga ai.

³⁵Bunghku kum da ai mare ni gaw Zidim, Zera, Hamat, Rakat, Hkineret,

³⁶Adama, Rama, Hazora,

³⁷Kedesha, Edrai, Enhazora,

³⁸Yiron, Migdalela, Horem, Betanat hte Bet Sheme ni rai nga ai. Mare shi jahku hte hpawn dai ni a grup yin kahtawng ni lawm nga ai.

³⁹Ndai ni gaw Naphtali a amyu bawsang hta na lakung lama ni madu la lu sai sali ga na kahtawng hte mare ni rai nga ai.

⁴⁰Sanit ngu na masat sali ga gaw Dan a amyu bawsang hta na lakung lama ni a matu rai nga ai.

⁴¹De a ginwang hta Zoara, Eshtaola, Irasheme,

⁴²Shalabim, Aiyalon, Itla,

⁴³Elon, Timna, Ekron,

⁴⁴Elateke, Gibehton, Balat,

⁴⁵Yehuda, Beneberek, Gatrimon,

⁴⁶Meyarkon, Rakon, Yopa grup yin na lamu ga du hkra lawm nga ai.

⁴⁷Dan amyu bawsang ni shanhte a lamu ga sum mat ai shaloi Laisha mare hpe sa gasat la ma ai. Dai mare hpe gasat dang la nna mare masha ni hpe sat kau nhtawm mare hpe mung madu la ma ai. Dai yang e, shanhte sa nga nna dai mare Laisha hpe shanhte a kaji kawa mying hkan nna Dan ngu galai shamying ma ai.

⁴⁸Dai gaw Dan a amyu bawsang hta na lakung lama ni madu la ai sali ga na shanhte a mare hte kahtawng ni rai nga ai.

⁴⁹Israela amyu masha ni sali ga karan ngut jang, Nun a kasha Yawshu hpe mung shi a matu sali ga jaw ma ai.

⁵⁰Dai MADU hkang da sai hte maren, shi hpyi ai Ehprim bum ga na Timnat Sera mare hpe jaw ma ai. Dai mare hpe shi bai de nna dai hta nga nga wu ai.

⁵¹Dai hte gaw hkinjawng Eleaza, Nun a kasha Yawshu hte Israela amyu bawsang hta na lakung lama ni a ningbaw ni Shilo mare hta dai MADU hte bawng ban jahkrup na matu, dai MADU a hpung shingkang shanu nga ai Sum a shang wa chyinghka lam e, hpaida da let karan ya ai lamu ga sali ni rai nga ai. Ndai hku nna mungdan hpe karan la ai amu shangut la ma ai.