Read Jinghpaw Common Language Bible 2009 YAKU 4 Bible Online

YAKU 4 - Jinghpaw Common Language Bible 2009 bible

YAKU 4

¹Nanhte hta e gasat gala ai lam ni hte ga li ga law re ai lam ni kanang na du sa wa sata? Dai ni gaw nanhte kata hta tut nawng gasat gala nga ai pyaw daw kadaw ai lam a majaw nanhte a ra kasit nga ai lam ni kaw nna pru wa ai r ai nga ai.

²Nanhte gaw nanhte ra ai arai ni hpe n lu la myit dai majaw, masha sat na matu jin jin rai nga myit dai; nanhte gaw nanhte ra ai arai ni hpe nachying ra marit nga myit ti mung, n lu la myit dai majaw, nanhte gaw ga li ga law hte gasat gala rai nga myit dai. Nanhte gaw nanhte ra ai hpe nanhte n lu myit dai; hpa majaw nga yang nanhte ra ai lam a matu Karai Kasang kaw n hpyi myit dai.

³Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.

⁴Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

⁵“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

⁶Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

⁷Dai re ai majaw Karai Kasang a npu e taw nga nna shi a myit ra ai lam hkan mu. Satan wa hpe ninghkap gasat kau mu; shing rai yang shi nanhte kaw na hprawng mat na ra ai.

⁸Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

⁹Yawn hkyen nna hkrap ngu hkrap ngoi sharung shayawt nga mu; nanhte a mani ai hpe hkrap ai hte nanhte a kabu gara ai hpe nchyi nmu re ai hte galai kau mu.

¹⁰Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.

¹¹Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

¹²Karai Kasang chyu sha tara jaw ai wa hte jeyang lu ai wa rai nga ai. Shi chyu sha hkye hkrang la ai hte jahten kau ai wa rai nga ai. Na a htingbu wa hpe jeyang ai wa nang gaw kadai wa, rai nga ndai ngu nna nang myit nga n ta?

¹³“Dai ni shing n rai hpawt ni e, anhte mare langai ngai de bu hkawm sa nna dai kaw laning mi nga nhtawm hpaga ga nna ja gumhpraw law law lu hkra galaw na ga ai,” nga nna tsun ai ni e, ngai tsun ai hpe madat yu mu.

¹⁴Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.

¹⁵“Madu hkraw a yang gaw anhte hkrung nga ga ai rai nna ndai amu, wora amu galaw lu na ga ai,” ngu ai ga gaw nanhte tsun mai ai ga rai nga malit dai.

¹⁶Rai ti mung ya gaw nanhte gumrawng gumtawng ai hte shakawng shakat rai nga myit dai; shing rai shakawng shakat rai gumrawng ai lam yawng gaw shut ai lam rai nga ai.

¹⁷Dai re majaw dai mai kaja ai amu galaw ra nga ai ngu nna chye ninglen n galaw ai wa gaw mara lu nga ai.