Read Jinghpaw Hanson Version Bible SHAKAWN KUNGDAWN 13 Bible Online

SHAKAWN KUNGDAWN 13 - Jinghpaw Hanson Version Bible bible

SHAKAWN KUNGDAWN 13

¹Yehowa e, gaten du hkra nang ngai hpe a malap kau nga na n ta? Gaten du hkra na a myi man, ngai kaw na makoi kau nga na wu ta?

²Gade na hkra nye a myit masin hta ngai sumru yu nga nna, Lani hte lani nye a myit hta yawn hkyen nga na rai ta? Gade na hkra gumlau ni ngai hta grau nga na ma ta?

³Nye a Karai Kasang Yehowa e, mada yu nna htan ya e: Si ai hta ngai n yup nga n ga,

⁴Dai gumlau wa, “Ngai shi hpe dang kau nngai,” n nga lu u ga, Ngai kataw yang ngai hpe zingri ai wa n kabu nga lu u ga, Nye a myi jahtoi ya e.

⁵Ngai chyawm gaw, na a chyeju hta shamyet nga nngai, Na a hkye la ai lam hta nye a myit kabu nga ai;

⁶Yehowa ngai hpe chyeju kaba jaw nngai majaw, Ngai shi hpe mahkawn mangoi na nngai.