Read Jinghpaw Hanson Version Bible HPAJI NINGLI 10 Bible Online

HPAJI NINGLI 10 - Jinghpaw Hanson Version Bible bible

HPAJI NINGLI 10

¹Jinu chyasi manam pyaw ai sau hpe hkying shangun nga ai zawn, angawk ai amu kaji, hpaji byeng-ya hte arawng sadang hpe shayuk kau nga ai.

²Hpaji rawng ai wa a myit masin gaw shi a hkra lata e rai nga ai; angawk ai wa a myit masin chyawm gaw shi a pai lata e rai nga ai.

³Gaja wa, angawk ai wa gaw lam e hkawm nga yang pyi, myit gawp ai kadawn nna, Ngai gaw angawk ai wa rai nga nngai, nga nna yawng hpe tsun dan nga ai.

⁴Du wa gaw nang hpe myit kahtet yang, na a aya hpe hkum kau da u; hkam sharang ai myit gaw yubak kaba hpe yeng kau chye ai.

⁵Du wa shut kau ai majaw, jan a npu e n htuk ai lam langai mi ngai mu nngai:

⁶Angawk angak re ai ni gaw tsaw reng ai shara kaba hta dung nga nna, sut su ai ni gaw lawu grit e dung nga ma ai.

⁷Mayam ni gaw gumra jawn, du ni gaw mayam zawn lagaw hte hkawm nga ma ai, ngai mu nngai.

⁸Nhkun htu ai wa gaw, dai hta hkrat na ra ai: bunghku run ai wa gaw, lapu e achye hkrum na ra ai.

⁹Nlung hpe sit ai wa gaw abrep ai hkrum na ra ai; hpun chye ai wa gaw hkala kau ai hkrum na ra ai.

¹⁰Tawn ai nwa hpe n karang yang, n-gun grau dat ra nga ai: hpaji byeng-ya chyawm gaw, lam madun chye nga ai.

¹¹Lapu hpe garai n shayup ai, kawa yang, lapu ka ai wa gaw, hpa akyu n nga ai.

¹²Hpaji rawng ai wa a ga gaw, htaphtuk nga ai; angawk ai wa a n-gup chyawm gaw, shi hpe mayu kau nga ai.

¹³Shi tsun hpaw ai ga gaw, angawk ai ga, shi hpang jahtum na ga gaw, mana bu ai ga hkrai rai nga ai.

¹⁴Angawk ai wa gaw, ga law law tsun nga ai; rai timung, byin na ra ai lam hpe shinggyim masha n chye nga ai: shi a htawm hpang e byin pru na ra ai lam, shi hpe kadai tsun lu a ta?

¹⁵Angawk ai ni langai hte langai tinang a amu hta hki ba nga ma ai: shanhte gaw mare lam pyi n chye ma ai.

¹⁶Mungdan e, na a hkawhkam wa ma naw rai nna, du salang ni jahpawt jau jau e shat sha nga ai majaw, nang dingnye lu ndai.

¹⁷Bai, mungdan e, na a hkawhkam wa shangjet rai nna, du salang ni lu lai sha lai n re ai sha, n-gun ja na matu, ladaw ang ai aten e lusha ma ai majaw, nang a lu ndai.

¹⁸Lagawn ai majaw, nta lapa ni tsam mat nna, lata n shamawt kam ai majaw, nta yun nga ai.

¹⁹Kabu gara nga na matu, poi galaw nga nna, tsabyi jahku ngwipyaw shangun nga ai: gumhpraw mung, lam shagu hpe dang nga ai.

²⁰Hkawhkam wa hpe kraw e pyi hkum dagam et; na a yup gawk kata e sut su ai ni hpe hkum dagam et: kaning rai nme law, ntsa malen pyen ai u, dai nsen hpe htawn tsun nna, singkaw tu ai baw, dai hpe shabrawng dan na mara ai.