Read Jinghpaw Hanson Version Bible SHAWLUMON A MAHKAWN GA 6 Bible Online

SHAWLUMON A MAHKAWN GA 6 - Jinghpaw Hanson Version Bible bible

SHAWLUMON A MAHKAWN GA 6

¹Numsha ni hta grau tsawm ai na e, Na a tsawra ai wa gaw, gade sa wa sata? Anhte nang hte rau shi hpe hkan tam lu hkra, Na a tsawra ai wa gaw, gara de ang wa sata?

²Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

³Ngai tsawra ai wa gaw, nye a rai nga ai, ngai mung shi a rai nga nngai; Shi gaw hka law pan prang e shi a sagu ni hpe shayaw nga ai.

⁴Nye nja jan e, nang gaw Tirza mare zawn, tsawm nga ndai; Yerusalem mare zawn, tsawm htap nga ndai; Dawnghkawn lang ai luksuk zawn, hkrit mai nga ndai.

⁵Na a myi ngai hpe hkum azi yu et; Dai ni ngai hpe myit kahpra shangun masai. Na a kara gaw, Gilead bum lanem e, Hpum nga ai bainam hpung hte bung nga ai.

⁶Na a wa ni mung, kashin ai kaw na lung wa ai, Sagu hpraw hpung hte bung nga ai: Langai hte langai manang lu nna, Langai mi muk yet mat ai, n rai.

⁷Na a shabyi ni, myi man magap shinggan e, Hkainu si shari hte bung nga ai.

⁸Hkawhkam jan ni kru shi, lashi num ni matsat shi, Mahkawn ni n dang hti hkra, law nga ma timung,

⁹Nye a hkrudu, ra n rawng ai, nye a jan chyu sha, rai nga ai. Shi gaw kanu a kasha shingtai rai nga ai; Shi hpe shangai ai kanu a tsawra htum ai ma, shi rai nga ai. Amyu shayi sha ni shi hpe mu nna shaman ya mu ai; Hkawhkam jan ni hte lashi num ni pyi shi hpe shakawn ma ai.

¹⁰Jahpawt manap ahtoi zawn dan hkung ai hte, Shata zawn hpraw tsawm, ajan zawn kabrim nna, Dawnghkawn lang ai luksuk zawn hkrit mai ai jan gaw, kadai rai ta?

¹¹Kadit e tu ai namsi bawng ni hpe yu na matu mung, Tsabyi ru ni majawm n majawm, Hkainu si ni pu n pu, mada yu na matu mung, Ngai gaw namsi sun de yu wa nngai.

¹²Nye a myit ra katu ai majaw, n dum shami e, Arawng sadang lu ai ni a leng ni ngai hpe shinggrup ma ai.

¹³Shulami num e, wa rit, wa rit; Anhte nang hpe mu lu hkra, wa rit, wa rit. Mahkana-im ka manau ai mada yu ai zawn, Shulami num hpe, hpa mada yu shara nga a ta?