Read Jinghpaw Hanson Version Bible SHAWLUMON A MAHKAWN GA 7 Bible Online

SHAWLUMON A MAHKAWN GA 7 - Jinghpaw Hanson Version Bible bible

SHAWLUMON A MAHKAWN GA 7

¹Du shayi sha e, kyepdin din nna na a lagaw gade tsawm a hka. Na a lagaw yan gaw, shatsawm chye ai janghkam wa galaw ai mawn sumli ai lungseng hte bung nga ai.

²Na a hkum gaw, lum lum re ai gawm hte bung nna, Dai hta e kayau ai tsabyi jahku hte hpring nga ai: Na nshang gaw hka law pan hkrep ai, Hkaulan mam bum hte bung nga ai.

³Na a madoi chyu hpang yan gaw, Shan nga hkalung marun hte bung nga ai.

⁴Na a du gaw magwi kawng langchyi hte bung nga ai; Na a myi gaw Heshbon mare na Batrabim chyinghka makau e nga ai hka lawng hte bung nga ai. Na a ladi gaw Damasku mare de man yawng ai, Lebanon langchyi hte bung nga ai.

⁵Na a baw gaw, Hkarmela bum hte, Na kara gaw, hkyeng mang ai ari hte, bung nga ai: Hkawhkam wa pyi de a kara hkri hta gyit hkang ai hkrum nga ai.

⁶Nja jan e, ngwi ngawn nga na matu, Nang gade tsawm htap nna pyaw nga a hka!

⁷Ndai, na a hkum shing-yan gaw ma-un hpun hte bung nna, Na a madoi chyu hpang gaw de a namsi sumbaw rai nga ai.

⁸Ngai gaw, Ndai ma-un hpun hta ngai lung na nngai! De a lakung lakying ni hpe ngai jum na nngai. Na a madoi chyu hpang gaw tsabyi si sumbaw zawn, Nang sa ai nsa gaw magaw si sama zawn, rai nga u ga.

⁹Na a n-gup gaw kaja htum ai tsabyi jahku zawn rai nga u ga: Dai tsabyi jahku gaw ngai tsawra ai wa a matu pyaw ai luhpa rai nga nna, Yup pyaw ai ni a n-gup de ndum shami lwi du nga ai.

¹⁰Ngai hpe tsawra ai wa gaw nye a rai nga ai: Shi ngai hta hkrai a manoi nga ai.

¹¹Ngai tsawra ai wa e, sa rit, pa ga de hkawm sa ga, Kahtawng hkan e shana shalai ga: Jahpawt jau jau rawt nna, tsabyi sun de sa wa ga;

¹²Tsabyi ru ni majawm n majawm mung, de a nampan ni pu n pu mung, Hkainu si ni pu an n an mung, mada yu ga: Dai yang e nye a tsawra myit nang hpe ap na de ai.

¹³Ngai tsawra ai wa e, dudim hpun ni manam pyaw nga ai: Anhte a chyinghka makau e, dwi ai sau ai, namsi amyu myu nsa nnan, Na a matu ngai mahkawng da nngai.