Read Jinghpaw Hanson Version Bible SHAWLUMON A MAHKAWN GA 8 Bible Online

SHAWLUMON A MAHKAWN GA 8 - Jinghpaw Hanson Version Bible bible

SHAWLUMON A MAHKAWN GA 8

¹Nye nu a chyu chyu ai ma, Ngai yung majing zawn, nang rai n ga le: Dai rai yang, ngai nang hpe shinggan e mu hkrup nna, Nang hpe pup yang, kadai mung ngai hpe jahpoi lu na n rai.

²Ngai gaw nye nu a nta de nang hpe woi jashawn nna, shi nan nang hpe sharin achyin na ra ai: Ngai gaw, tsi kayau ai tsabyi jahku hte, Nye a hkainu si jahku, nang hpe lu shangun na de ai.

³Shi a pai lata nye a baw npu e tawn nna, Shi a hkra lata ngai hpe ginshum na ra ai.

⁴Yerusalem a shayi chyinghkawn ni e, Tsawra ai myit shi hkrai n pru yang, Dai hpe hkum jasu, hkum jahprang mu yaw, Ngai nanhte hpe htet da nngai law.

⁵Shi a tsawra ai wa a lata hta shamyet let, Nam mali de na pru ai num gaw, kadai wa rai ta? Ngai nang hpe ndai magaw hpun npu e jasu ni ai: Dai yang e na nnu gaw, nang hpe shangai nna, Nang hpe shangai ai kanu shinggyim machyi hkrum sai.

⁶Ngai hpe na a myit masin ntsa e dazik zawn, Na a lahpum ntsa na dazik zawn shakap e. Kaning rai nme law, sumtsaw sumra gaw si hkrung si htan hte maren ja nga ai; Nsu nnawn myit gaw Katsan ga hta grau yak nga ai; shi a n-gun gaw wan n-gun hte, Yehowa kaw na myihprap n-gun rai nga ai.

⁷Hka law law sumtsaw sumra hpe n sat kau lu ai, Hka hpungla ni pyi, dai hpe n lim kau lu ai. Masha wa gaw shi a nta e rawng marawng hpe, sumtsaw sumra matu jaw kau mayu timung, N kaw n law di ai hkrai hkrum na ra ai.

⁸Anhte kaw kajan kaji langai mi nga ai: shi gaw chyu hka garai n bawng ai. Dai kajan hpe hpyi ai shani hta, Anhte shi a matu, kaning di na rai ta?

⁹Shi bunghku tai yang, shi a ntsa e gumhpraw langchyi gaw da na ra ai; Shi chyinghka tai yang, arit hpunpyen hte kum na ra ai.

¹⁰Ngai gaw bunghku rai nga nngai; nye a madoi chyu hpang langchyi hte bung nga ai; Dai rai nna ngai shi a man e myi man pa ni ai.

¹¹Shawlumon gaw Bala-hamon hkan e tsabyi sun langai mi nga ai; Shi gaw dai hpe sun sin ai ni a lata de ap ya mu ai: De a namsi sha lu ai majaw, langai hte langai gumhpraw hkying hkying jaw mu ai.

¹²Nye a tsabyi sun chyawm gaw, nye a man e rai nga ai: Shawlumon e, nang lap hkying mi la nna, Nye sun sin ai ni mahtang lap ni tsa la mu ga.

¹³Sun ni hta shanu nga ai num e, Kanawn manang ni na a nsen hpe madat la ma ai; Ngai mung na lu u ga.

¹⁴Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.