Read Jinghpaw Hanson Version Bible ESAIA 20 Bible Online

ESAIA 20 - Jinghpaw Hanson Version Bible bible

ESAIA 20

¹Asuri hkawhkam Sargon shangun dat ai Tartan gaw, Ashdod mare de lung gasat nna, dai mare hpe hkap la ai shaning aten e,

²Yehowa gaw Amot a kasha Esaia hpe, “Sa su, na nshang na lachyit nba hte, na kyepdin raw kau u,” nga nna tsun ai hte maren, shi galaw nna, singgu krin, kyepdin n din ai, hkawm nga ai.

³Bai Yehowa gaw, “Nye a mayam Esaia, Egutu mung hte Hkusha mung hpe sha-ang nna, kumla hte mauhpa lam tai na matu, masum ning tup singgu krin, kyepdin n din ai, hkawm nga ai hte maren,

⁴Egutu masha ni hpe kaya jahkrum na matu, Asuri hkawhkam gaw, rim la hkrum ai Egutu masha ni hte, bawng dung hkrum ai Hkusha masha kaji kaba ni hpe, singgu krin, kyepdin n din, dangbau pyi n magap ai, woi mat wa na maru ai.

⁵Shing rai shanhte gaw, tinang myit hpa shara Hkusha hte, tinang a arawng ngu ai Egutu a lam mau mahka nna mak mat ai hte,

⁶ndai nammukdara hkin-gau e dè nga ai amyu ni gaw, Yu mu, Asuri hkawhkam kaw na hprawng lawt lu hkra, anhte myit hpa ai gaw, ndai rai nga ai; ya anhte kaning rai lawt lu na ga ta? nga nna dai aten e tsun shajang na mara ai,” nga ai.