Read Jinghpaw Hanson Version Bible JAW JAU 15 Bible Online

JAW JAU 15 - Jinghpaw Hanson Version Bible bible

JAW JAU 15

¹Bai Yehowa Mawshe yan Arun hpe tsun wu ai gaw, Israela a kashu kasha ni hpe ning ngu tsun mu: Masha langai ngai ari ri ai rai yang, shi a ari ana majaw n san n seng nga ai.

³Matswi tut ayun nga ai rai timung, kalang lang sim ai rai timung, dai wa hpe n san n seng ai ngu na rai nga ai.

⁴Shi yup ai yup ra mung n san n seng nga ai; hpa hta dung ai rai timung n san n seng rai nga ai.

⁵Shi a yup ra hkra ai wa kadai mung tinang a hpun palawng hkrut nna, hka shin na rai wu ai; shana de du hkra mung n san n seng rai nga ai.

⁶Ari ri ai wa dung ai hkang sa dung ai wa mung, hpun palawng hkrut nna hka shin na rai wu ai; shana de du hkra mung n san n seng rai nga ai.

⁷Shi hpe hkra ai wa mung hpun palawng hkrut nna hka shin na rai wu ai; shana de du hkra mung n san n seng rai nga ai.

⁸San seng ai wa hta shi a mayen hkra yang, dai wa gaw shi a hpun palawng hkrut nna, hka shin na rai wu ai; shana de du hkra mung, n san n seng rai nga ai.

⁹Ari ri ai wa jawn ai hpa baw hking mung n san n seng rai nga ai.

¹⁰Shi a npu e taw ai rai hkra ai wa mung shana de du hkra n san n seng rai nga ai: dai arai ni hpe hpai ai wa mung hpun palawng hkrut kau nna hka shin na rai wu ai; shana de du hkra mung n san n seng rai nga ai.

¹¹Ari ri ai wa lata n shin ai hte masha kaga hpe ahtawk yang, dai wa gaw hpun palawng hkrut nna hka shin na rai wu ai; shana de du hkra mung n san n seng rai nga ai.

¹²Ari ri ai wa hkra ai ga di mung agrawp kau na rai wu ai: hpun hte galaw ai rai, rai yang gaw ntsin hte kashin kau na rai mu ai.

¹³Ari ri ai wa ari mai yang, mai ai shani kaw nna sanit ya gawn yang she, shi a hpun palawng hkrut nna, lwi ai hka hta hkum shin ai hte san seng wa na rai nga ai.

¹⁴Matsat ya nhtoi e dai wa gaw hkrudu lahkawng, shing n rai u ra kasha lahkawng la sa nna, Yehowa a man, shawa sum chyinghka makau de hkinjawng wa hpe ap ya na rai wu ai:

¹⁵kinjawng wa mung htingrai hkungga a matu langai mi, wan nat hkungga a matu langai mi di nna, nawng ya na rai wu ai: shing rai hkinjawng wa gaw dai wa a ri ana matu Yehowa a man e htingrai htingrat ya na rai wu ai.

¹⁶Lasha langai ngai azu tung yang hkum ting hka shin kau na rai wu ai: shana de du hkra mung n san n seng rai nga ai:

¹⁷azu hkra ai hpun palawng hte shanhpyi arai hpa mung hkrut kau na rai wu ai; shana de du hkra mung n san n seng na rai nga ai.

¹⁸Shing re ai lasha hte numsha nga sha ma ai rai yang, shan lahkawng hka shin na rai mu ai: shana de du hkra mung n san n seng rai nga ai.

¹⁹Numsha gaw num hking lang ai rai yang, sanit ya tup num hking a n san n seng ai hta nga nga na rai wu ai: shi hpe hkra ai wa mung shana de du hkra n san n seng rai nga ai.

²⁰Num hking lang nna n san n seng ai hte yup nga ai hpa hta mung n san n seng rai nga ai; dung ai hpa hta mung n san n seng rai nga ai.

²¹Shi a yup ra hkra ai wa kadai mung tinang a hpun palawng hkrut nna hka shin kau na rai wu ai; shana de du hkra mung n san n seng rai nga ai.

²²Shi a dung shara hkra ai wa mung, tinang a hpun palawng hkrut nna hka shin na rai wu ai; shana de du hkra n san n seng rai nga ai.

²³Shi a yup ra hpe rai timung, dung shara hpe rai timung, hkra ai wa gaw, shana de du hkra n san n seng rai nga ai.

²⁴Hking lang ai numsha hte nga sha ai wa mung, sanit ya tup n san n seng rai nga ai: shi a yup ra yawng n san n seng rai nga ai.

²⁵Num hking n re ai sai su ai, shing n rai, num hking n san n seng ai nhtoi lai sa timung, sai su n sim yang gaw, dai n sim dingsa, num hking n seng yang na zawn, dai numsha gaw n san n seng rai nga ai.

²⁶Sai su n sim dingsa shi a yup ra gaw, num hking n san n seng yang na yup ra zawn a rai nga ai: dung shara mung, dai hte maren n san n seng arai nga ai.

²⁷Dai arai ni hpe hkra ai wa kadai mung, n san n seng rai nga ai majaw, tinang a hpun palawng hkrut nna hka shin na rai wu ai: shana de du hkra mung n san n rai nga ai.

²⁸Rai timung sai su mai yang gaw, sanit ya gawn yang, dai hpang san seng na ra ai.

²⁹Matsat ya du ai shani e shi gaw hkrudu lahkawng shing n rai u ra kasha lahkawng la sa nna, dai shawa sum chyinghka makau. hkinjawng wa kaw ap na rai wu ai:

³⁰Hkinjawng wa mung htingrai hkungga matu langai mi, wan nat hkungga matu langai mi di nna nawng na rai wu ai: shing rai hkinjawng wa gaw, sai su ai a majaw, n san n seng ai numsha a matu Yehowa a man e htingrai htingrat ya na rai wu ai.

³¹Ning rai, Israela kashu kasha ni, shanhte a ka-ang na nye a sum hpe awu asin rai nna, tinang a n san n seng ai hta si ai n hkrum mu ga, shanhte hpe tinang a n san n seng ai lam hta na nanhte jahka la na rai myit dai, ngu wu ai.

³²Ndai hte gaw ri ana lu ai wa ai azu tung nna awu asin re ai lasha,

³³Hking lang ai numsha, azu tung ai la num hte nga sha ai lam, n san n seng ai num hte nga sha ai la re ai ni hte seng ai tara rai nga ai.