Read Jinghpaw Hanson Version Bible JAW JAU 18 Bible Online

JAW JAU 18 - Jinghpaw Hanson Version Bible bible

JAW JAU 18

¹Bai, Yehowa Mawshe hpe tsun wu ai gaw,

²Israela kashu kasha ni hpe ning ngu tsun u: Ngai gaw nanhte a Karai Kasang Yehowa rai nga nngai.

³Nanhte nga yu sai Egutu mung na ahtung ahking nanhte hkan galaw lu na n rai; nanhte hpe ngai woi tawn da na made ai Hkanan mung a ahtung ahking nanhte hkan galaw lu na n rai; shanhte a tara lam nanhte hkan ya lu na n rai.

⁴Ngai jaw da ai matsun hku nanhte hkan galaw nna nye a tara lam hkan shatsup lu na rai myit dai: ngai gaw nanhte a Karai Kasang Yehowa rai nga nngai.

⁵Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

⁶Kadai rai timung, tinang hte n daw n hkrang ai kaw sa kahtep nna jauwawng wawng lu na n rai: ngai gaw Yehowa rai nga nngai. Na nwa hte sha seng ai na nnu hpe kahtep lu na n rai: shi gaw na nnu rai nga lit dai majaw mai hkra na n rai.

⁸Tinang kawa a madu jan ngu ai kadai hpe mung mai kahtep na n rai; dai gaw nwa hte sha seng nga ai.

⁹Tinang a chyu rum kajan hpe rai timung, kaga kawa shing n rai kaga kanu kaw na kajan hpe rai timung, na a kajan daw ai hpe kahtep lu na n rai.

¹⁰Tinang a nshang na hkrat ai kashu hpe kahtep lu na n rai.

¹¹Kanu kaga ga rai timung, kawa pawng ai kajan hpe kahtep lu na n rai.

¹²Na nwa a kajan hpe kahtep lu na nrai; shi gaw na nwa a sai shan rai nga ai.

¹³Na nnu a kanau kana hpe kahtep lu na n rai; shi gaw na nnu a sai shan rai nga ai.

¹⁴Na nwa a kahpu kanau wa hte sha seng ai nnu tung nnu doi ngu na nwa di nwa doi wa a madu jan hpe kahtep lu na n rai.

¹⁵Na nsha a madu jan ngu ai ning nam jan hpe kahtep lu na n rai; gaja nan hkra lu na n rai.

¹⁶Hpunau wa a madu jan hpe kahtep lu na n rai; shi gaw na hpunau wa hte sha seng nga ai.

¹⁷Tinang a madu jan hta na shayi sha hpe rai timung, madu jan a kashu shayi sha hpe rai timung, kahtep lu na n rai: dai ni gaw sai shan langai sha rai nga ma ai majaw, shing re ai gaw n shawp ai lam rai nga ai.

¹⁸Tinang a madu jan hpe sharu shatsang ai shatai na, shi naw hkrung nga yang, shi a kanau kana hpe kahkyin lu na n rai.

¹⁹Num hking lang nna n san n seng nga ai numsha hpe mung kahtep lu na n rai.

²⁰Tinang hkum hpe wu sin kau na hku, masha jan nang shaw lu na n rai.

²¹Na a kashu kasha ni e Molok hpara hpe nat nawng lu na n rai: na a Karai Kasang a mying ningsang hpe nang jahpoi lu na n rai: ngai gaw Yehowa rai nga nngai.

²²Num hte kanawn ai zawn lasha shada kanawn lu na n rai; dai gaw matsat shabat lam rai nga ai.

²³Tinang hkum hpe awu asin rai nna dusat dumyeng hte kanawn lu na n rai: numsha ni mung dusat dumyeng a kanawn ai hkam sha lu ai nrai: dai gaw kayau kaya re ai lam rai nga ai.

²⁴Nanhte a man na ngai gawt kau ai masha amyu shagu ni gaw, shing re ai lam hkan nna awu asin rai ma ai; dai majaw nanhte gaw tinang hkum hpe shing re ai hte awu asin hkum rai myit:

²⁵Shanhte a lamu ga mung awu asin rai malu ai: de a majaw ngai shanhte hpe yubak jaw nna, shanhte a lamu ga mung tinang a kashu kasha ni hpe nhpat kau na ra ai.

²⁶Nanhte chyawm gaw nye a tara hte ga matsun hkan shatup nga na rai myit dai:

²⁷dai mung gaw nanhte a shawng na amyu hpe nhpat kau ai zawn, awu asin bai hkrum nna, nanhte nhpat kau ai n hkrum myit ga, nanhte dai rai timung, nanhte kaw shingbyi nga ai wa rai timung, dai zawn re ai matsat shabat lam hkan lu na myit dai n rai:

²⁸Kaning rai nme law, shawng na masha ni dai zawn re ai matsat shabat lam hkan galaw ai majaw dai mung gaw awu asin rai nga ai.

²⁹Shing re ai matsat shabat lam hkan ai wa kadai rai timung, shi a amyu hta na sumri dan kau ya ai hkrum lu na ra ai.

³⁰Dai rai nna, shawng na masha ni hkan ai matsat shabat lam hta, nanhte hkan lawm nna, tinang hkum hpe tinang dai awu asin n di kau myit ga, nanhte gaw nye a ga matsum hkan shatup nga lu na rai myit dai: ngai gaw nanhte a Karai Kasang Yehowa rai nga nngai, ngu wu ai.